21 Dec 2018, 23:33
ވިލިމާލޭގައި މޫދަށް އެރި އުޅުނު ދެ މީހަކު އޮޔާދަނިކޮށް ސަލާމަތްކޮށްފިއެވެ.
މި ހާދިސާ ފެނުނު މީހަކު ސޯޝަލް މީޑިއާގައި ބުނެފަައިވަނީ އޮޔާ ދިޔަ ދެމީހުން ސަލާމަތް ކުރުމަށް އެމްޓީސީސީގެ ފެރީއެއް މަޑުކޮށްގެން އޮތް ކަމަށާއި އެމީހުން އޮޔާ ދިޔައީ މޫދަށް އެރޭ ސަރަހައްދުގެ އޮއި ބާރުކަމުން ކަމަށް ބެލެވޭ ކަމަށެވެ.
ވިލިނގިލީ ބީޗު ސަރަހައްދުގައި ލައިފް ގާޑުން ބައިތިއްބަން ޖެހޭ ކަމަށްވެސް ހާދިސާގެ ވާހަކަ ސޯޝަލް މީީޑިއާގައި ހިއްސާކުރި ދުވުންތެރިޔާ އަހުމަދު އާތިފް އެނާގެ ޓްވިޓާ ގައި ބުނެފައިވެއެވެ.
Just saw Villigili ferry stop to rescue 2 people in the sea. Looks like swimmers taken out of surf, with a rip current probably. Villigili Beach needs lifeguards.pic.twitter.com/hGknTY2sj9
— Athif (@hammettz)December 21, 2018
ވިލިނގިލީ ބީޗު ސަރަހައްދަކީ ބައެއް ދުވަސްވަރު ގަދަ އޮޔެއް ހުންނަ ތަނެއްކަމަށް އާންމުކޮށް އެ ސަރަހައްދަށް މޫދަށް ދާ މީހުން ބުނެއެވެ.
އާތިފް އިތުރަށް ބުނެފައިވަނީ އޮއިބާރު، ދިޔަ ބޮޑު ދުވަސްވަރު އެ ސަރަހައްދަށް މޫދަށް އެރުން ރައްކާތެރިނޫން ކަމަށެވެ.