10 Dec 2018, 14:43
އިކޮނޮމިކް މިނިސްޓްރީއިން އެއްވެސް މީހަކަށް ނާޖާއިޒު ފައިދާއެއް ނުހޯދޭނެ ކަމަށް މިނިސްޓަރު ފައްޔާޒު އިސްމާއިލް ވިދާޅުވެއްޖެ އެވެ.
މިނިސްޓަރު ފައްޔާޒު އެހެން ވިދާޅުވީ މިއަދު ކުރެއްވި ޓްވީޓެއްގަ އެވެ. ޓްވީޓްގައި ވިދާޅުވެފައިވަނީ އޭނާ އިކޮނޮމިކް މިނިސްޓްރީގައި ހުރިހައި ހިނދަކު އެއްވެސް ފަރާތަކަށް ނާޖާއިޒު ފައިދާ ލިބޭނެ އެއްވެސް މަގެއް ނޯންނާނެ ކަމަށެވެ.
" އަދި އަޅުގަނޑަކީ އަޅުގަނޑާ މުއާމަލާތްކުރާ މޭރުމުން އެފަރާތަކާއި މުއާމަލާތް ކުރާނެ މީހެއް ކަަމަށްވެސް ދަންނަވަން." މިނިސްޓަރު ފައްޔާޒުގެ ޓްވީޓްގައި ވިދާޅުވެފައިވެ އެވެ.
Alhugandu Economic Ministry ga hurihaa hindhaku ehves faraathakah naajais faidhaa libeyne ehves mageh nuohnaane kamah enme haa beyfulhunnah dhannanvan. Adhi alhugandakee alhugandaa muaamalaathukuraa meyrumun efaraithakaa muaamalaathukuraane meeheh kamah ves dhannavan.
— Fayyaz Ismail (@faya_i)December 10, 2018
ބެލެވޭގޮތުން ފައްޔާޒު ރައްދު ދެއްވީ ރައީސް އިބްރާހިމް މުހައްމަދު ސޯލިހުގ ސްޕެޝިއަލް އެންވޯއީ އަދި ޔޮޓް ޓުއާސްގެ ޗެއާމަން އަބްދުﷲ ޖާބިރު އަށެވެ. މިއަދު ޖާބިރު ވަނީ ފައްޔާޒާ މެދު ހިތް ހަމަ ނުޖެހުން ފާޅުކޮށް ޓްވީޓްތަކެއް ކުރައްވާފަ އެވެ.
ޖާބިރު ވިދާޅުވީ އިކޮނޮމިކް މިނިސްޓަރު ފައްޔާޒު އޭނާގެ މަންމަޔާ ބެހޭގޮތުން ބޭ އަދަބީ ބަހުން ވާހަކަފުޅު ދެއްކެވި ކަމަށެވެ. އެހެންވީމަ އޭނާ މަގާމުން ދުރުކުރަން ރައީސް އިބްރާހިމް މުހައްމަދު ސޯލިހަށް އަމުރު ކުރާ ކަމަށްވެސް ޖާބިރު ވަނީ ވިދާޅުވެފަ އެވެ.
Raees ibrahim Mohamed solih ge economic minister alhuganduge mammayaa dhimaalah auguraana govaafi., mihaarun mihaarah eynaa magaamundhuru rukurumah , Raees ibrahim Mohamed solih ah angaa amuru koffeemeve.
— Abdulla jabir (@chairmanjabir)December 10, 2018
ޖާބިރު ވަނީ ފައްޔާޒު މިނިސްޓަރު ކަމުން އިސްތިއުފާ ދެއްވަން ތައްޔާރަށް ހުންނެވުމަށްވެސް ދަންނަވާފަ އެވެ.