06 Dec 2018, 11:36
އިއްޔެ މާލެއަށް ކުރި ވިއްސާރާގައި ފެންވަދެ ގެއްލުން ލިބުނު ގެތަކަށް ހައުސިން މިނިސްޓަރު އާމިނަތު އާތިފާ މިއަދު ޒިޔާރަތްކުރައްވައިފި އެވެ.
މިނިސްޓަރު ވަނީ ރޭގެ ވިއްސާރައާ ގުޅިގެން މީހުން ނޫޅެވޭ ވަރަށް ގެއްލުންވި ދެގޭގެ މީހުން މިވަގުތު ތިބި ބީހައިވް ހޮޓަލަށް ޒިޔާރަތްކުރައްވާ އެ މީހުންގެ ހާލުވެސް ބައްލަވާ ލައްވައިފަ އެވެ.
ޑިޒާސްޓާ މެނޭޖުމެންޓު ސެންޓަރުން ބުނީ އިއްޔެ ކުރި ވިއްސާރައާ ގުޅިގެން 117 ގެއަކަށް އެހީތެރިކަން ފޯރުކޮށްދިން ކަމަށެވެ. އޭގެ ތެރެއިން ދެ ގެއެއްގެ މީހުން ތިބީ ޑިޒާސްޓާ މެނޭޖުމެންޓުގެ ބެލުމުގެ ދަށުގައި ކަމަށް ވެސް އެ ސެންޓަރުން ބުންޏެވެ.
Minister Ms. Aminath Athifa today visited yesterday's rain and flood stricken houses in Male', to witness the damages first hand.pic.twitter.com/AB51zlfhgR
— housing.gov.mv (@HousingGovMv)December 6, 2018
އިއްޔެ ކުރި ވިއްސާރައާ ގުޅިގެން އެކިކަހަލަ ގެއްލުންލިބިގެން 99 ގެއެއްގެ އެސެސްމެންޓް ހަދާފައިވާ ކަމަށް ވެސް ޑިޒާސްޓާ މެނޭޖުމެންޓުން ބުންޏެވެ.
Minister Ms. Aminath Athifa this morning, met the people evacuated and provided with temporary accommodation, following yesterday's heavy rains and floods in Male'. She inquired about their well-being and status during this visit.pic.twitter.com/zeNzLOkVQ1
— housing.gov.mv (@HousingGovMv)December 6, 2018
ޑިޒާސްޓާ މެނޭޖުމެންޓު ސެންޓަރުން ކަލާފާނު ސްކޫލުގައި ގާއިމްކޮށްފައިވާ ޑިޒާސްތާ މެނޭޖުމެންޓު ސެޓްއަޕްގެ މަސައްކަތް ކުރިއަށްދާ ގޮތް ވެސް މިނިސްޓަރު އާތިފާ ވަނީ ބައްލަވާލައްވައިފަ އެވެ.
އިއްޔެ މާލެއަށް 223.5 މިލިލޓަރުގެ ވާރޭ ވެހުނުކަމަށް މެޓު އޮފީހުން ބުންޏެވެ.