30 Nov 2018, 16:10
ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އަހްމަދު ފާރިސް މައުމޫން، މެލޭޝިއާގެ ބޮޑުވަޒީރު ޑރ. މަހާތިރު ބިން މުހައްމަދާ މިއަދު ބައްދަލުކުރައްވައިފިއެވެ.
ފާރިސް، އޭނާގެ ބައްޕާފުޅު ކުރީގެ ރައީސް މައުމޫން އަބްދުލްގައްޔޫމާ އެންމެ ގާތް ލީޑަރުންގެ ތެރޭގައި ހިމެނިވަޑައިގަންނަވާ ޑރ. މަހާތީރާ މިއަދު ބައްދަލުކުރެއްވީ މެލޭޝިއާގެ ބޮޑުވަޒީރުގެ އޮފީސް ހުންނަ ޕެރްދާނާ ޕުޓްރާޖާޔާގައެވެ.
Thank you Excellency Tun Dr Mahathir bin Mohamad@chedetofficialfor giving an audience to my son@afarismaumoontoday. It was a great honour and privilege.pic.twitter.com/u7R2hWeo2N
— Maumoon Abdul Gayoom (@maumoonagayoom)November 30, 2018
ޑރ. މަހާތީރު ފާރިސް ބައްދަލުކުރައްވާ ފޮޓޯއެއް ޓްވީޓުކުރައްވައި، ރައީސް މައުމޫން މިއަދު ވަނީ އެމަނިކުފާނުގެ އެކުވެރި ޑރ. މަހާތީރަށް ޝުކުރު އަދާކުރައްވާފައެވެ.
ޑރ. މަހާތީރު މެލޭޝިއާގެ ބޮޑުވަޒީރުކަން އެންމެ ފުރަތަމަ ކުރެއްވީ ޖުލައި 1981 އިން އޮކްޓޫބަރު 2003 އަށެވެ. މާލޭގައި އިސްލާމީ މަރުކަޒު ހުޅުވި ރަސްމިއްޔާތަށް، ރައީސް މައުމޫނުގެ ދައުވަތުފުޅަކަށް މަހާތީރު ރާއްޖެވެސް ވަޑައިގެންނެވިއެވެ.
Such a privilege to meet former PM Tun Dr Mahathir in KL last night. Was as charismatic & as inspirational as ever!pic.twitter.com/31D7BlA6dQ
— Maumoon Abdul Gayoom (@maumoonagayoom)February 28, 2017
އުމުރުން 93 އަހަރުފުޅުގެ ޑރ. މަހާތީރު މެލޭޝިއާގެ ބޮޑުވަޒީރުކަމަށް ދެވަނަ ފަހަރަށް އިންތިހާބުވެވަޑައިގަތީ މި އަހަރުއެވެ. އޭނާ އިންތިހާބުވީ މެލޭޝިއާގެ އޭރުގެ ބޮޑުވަޒީރު ނަޖީބު ރައްޒާގާ ވާދަކޮށެވެ. ކުރިން ސިޔާސީ މަސައްކަތުގައި އެކުގައި އުޅުއްވި ނަޖީބާ ދެކޮޅަށް މަހާތީރު ނުކުމެވަޑައިގަތީ ނަޖީބުގެ މައްޗަށް ކުރެވުނު ކޮރަޕްޝަނުގެ ތުހުމަތުތަކާއި އެހެނިހެން ކަންކަމާވެސް ހިތްހަމަޖެހިވަޑައިނުގެންނެވުމުގެ ސަބަބުންނެވެ.