27 Nov 2018, 21:22
އެކި ބޭނުންތަކުގައި އިންޑިއާއަށް ދާ ދިވެހީންނަށް ފަސޭހަ ކަމާ އެކު ވިސާ ލިބޭނެ ގޮތް ހެދުމުގެ ގޮތުން އާ ވިސާ އެގްރީމަންޓެއްގައި ސޮއި ކުރަން ނިންމާފައިވާ ކަމަށް ހާރިޖީ ވަޒީރު އަބްދުﷲ ޝާހިދު ވިދާޅުވެއްޖެ އެވެ.
ރަސްމީ ދަތުރުފުޅެއްގައި މިހާރު އިންޑިއާއަށް ވަޑައިގެން ހުންނެވި ޝާހިދު މިރޭ ކުރެއްވި ޓްވީޓެއްގައި ވިދާޅުވެފައިވަނީ، ދިވެހީންނަށް އިންޑިއާއިން ފަސޭހަ ކަމާ އެކު ވިސާ ލިބޭނެ އެގްރީމެންޓްގައި ސޮއި ކުރުމަށް ހަމަޖެހިފައިވަނީ ރައީސް އިބްރާހިމް މުހައްމަދު ސޯލިހް އިންޑިއާއަށް ކުރައްވާ ދަތުރުފުޅުގައި ކަމަށެވެ.
"އެގޭ ސަބަބުން އިންޑިއާއަށްދާ ކިޔަވާ ކުދިންނާއި އެކުދިންގެ މައިންބަފައިންނާއި ބެލެނިވެރިން އަދި އެ ގައުމަށް ދަތުރުކުރާ ދިވެހިންނަށް ކުރިމަތިވެފައިވާ ދަތިތަކަށް ފަސޭހަ ކަމެއް ލިބޭނެ،" ޝާހިދުގެ ޓްވީޓްގައި ވިދާޅުވެފައި ވެއެވެ.
A new visa agreement between Maldives and India will be signed during the upcoming State visit of President Solih. It will ease the current difficulties faced by parents and guardians of Maldivian students studying in India and Maldivians who travel to India for medical treatment
— Abdulla Shahid ???? (@abdulla_shahid)November 27, 2018
ރައީސް ސޯލިހް އިންޑިއާއަށް ކުރައްވާ ރަސްމީ ދަތުރުފުޅު ހަމަޖެހިފައިވަނީ އަންނަ މަހުގެ 17 ވަނަ ދުވަހު ކަމަށް ފޮރިން މިނިސްޓްރީން ވަނީ މީގެ ކުރިން ބުނެފަ އެވެ.
ރާއްޖޭގެ ފޮރިން މިނިސްޓަރު އިންޑިއާއަށް މިހާރު ކުރައްވަމުން ގެންދަވާ ދަތުރުފުޅުގަގައި ވަނީ އެގައުމުގެ ރައީސް ރާމް ނާތު ކޯވިންދު އާއި ފޮރިން މިނިސްޓަރު ސުޝްމާ ސުވަރާޖްއާ ބައްދަލުކުރައްވާފަ އެވެ.