26 Nov 2018, 15:44
އެނބޫދޫ ފަޅު ހިއްކައިގެން ތަރައްގީކުރާ ރިސޯޓުތައް ފެހިކުރުމަށް ރަށްރަށުން ގަވައިދާ ހިލާފަށް ރުއް ނަގައި ރުއްތައް ގެންގޮސް އިންދާ ކަމަށް ވާހަކަ ދެކެވެން ފަށައިފި އެވެ.
ސޯޝަލް މީޑިއާގައި ދައުރުވަމުންދާ ފޮޓޯތަކުން ފެންނަ ގޮތުގައި ފޯދިފައިވާ ގިނަ ރުއްތަކެއް އެނބޫދޫ ފަޅުގައި ވަނީ އިންދައިފަ އެވެ. ފޮޓޯތައްް ހިއްސާކޮށް މީހަކު ކުރި ޓްވީޓެއްގައި ބުނީ ރަށްރަށުން ގަވައިދާ ހިލާފަށް ނަގާ ރުއްތައް އުސޫލުން ބޭރުން އެނބޫދޫ ފަޅުގައި އިންދަމުންދާ ކަމަށެވެ.
This is where the stolen greenery are going. Emboodhoo Lagoon, being developed for a tourist resort by grabbing trees from local islands without no proper procedure. Dropping the resilience of local islands with#MVTreeGrab.
Yes you can put up posters baning photographing. But????pic.twitter.com/LGNu6n1sX1— Ali Hassan (@AyyaHaxan)November 25, 2018
ރަށްރަށަށް އިއާދަނުކުރެވޭ ފަދަ ގެއްލުންދިނުމަށް ފަހު ހިންގާ އެ އަމަލު ހުއްޓުވަން ދަނީ ސޯޝަލް މީޑިއާގައި ގޮވާލަމުންނެވެ.
ރުއްގަސް ގިނަ ރަށްރަށުން ގަވައިދާ ހިލާފަށް ރުއްގަސް ނަގާ މައްސަލަ މިފަހަކަށް އައިސް ވަނީ ފެންމަތިވެފަ އެވެ.
ހާއްސަކޮށް ތަރައްގީގެ މަޝްރޫއުތައް ހިންގަމުންދާ ރަށްރަށުން ރުއް ގަނައިގެން ބޭރުކުރަން އުޅޭކަން ފެންމަތިވެ، އެމައްސަލާގައި ތިމާވެށި ހިމާޔަތްކުރުމަށް ގޮވާލާ ގިނަ ބަޔަކު ދަނީ ނުރުހުން ފާޅުކުރަމުންނެވެ.
އެނބޫދޫފަޅުގައި ރުއް އިންދާފައި -- ފޮޓޯ: ޓްވިޓާ
އެނބޫދޫ ފަޅުގައި ގަވައިދާ ހިލާފަށް ރަށްރަށުން ނަގާ ރުއް އިންދާފައިވާ ކަމަށް ބުނެ ދެކެވޭ ވާހަކައާ ގުޅިގެން އެނބޫދޫ ފަޅު ތަރައްގީ ކުރާ ކުންފުނީގެ ބަހެއް ނުލިބެ އެވެ.