21 Nov 2018, 10:16
ބޮލީވުޑް ބަތަލާ ނޭހާ ދުފިއާ އާއި ފިރިމީހާ އަންގަދު ބޭޑީ އަށް ލިބުނު އަންހެން ދަރިފުޅު މެހެރް ދުފިއާ ބޭޑީ ގެ މޫނު ފެންނަ ފުރަތަމަ ފޮޓޯ ސޯޝަލް މީޑިއާގައި އާންމުކޮށްފި އެވެ.
މިދިޔަ އާދިއްތަ ދުވަހު ހެނދުނު ވިހޭ އެ އަންހެން ކުއްޖާ އަށް މެހެރްގެ ނަމުން ނަން ދިނުމަށް ފަހު އިއްޔެ ނޭހާ ވަނީ އޭނާގެ އިންސްޓާގްރާމް އެކްއުންޓުގައި ދަރިފުޅުގެ ފައިގެ ފޮޓޯ އަކާ އެކު ޕޯސްޓެއް ވެސް ކޮށްފަ އެވެ.
ބިޝަން ބެޑީ ކޮށްފައިވާ ޓްވީޓްގެ ސްކްރީންޝޮޓެއް...
މެހެރް ގެ ފޮޓޯ ޓްވިޓާގައި އާންމުކުރީ އަންގަދުގެ ބައްޕަ ބިޝަން ބޭޑީ އެވެ. އަދި ކާފަ އަކަށް ވުމުން ވަރަށް އުފަލުން ހުރި ކަމަށް ބިޝަން ވަނީ އެ ޓްވީޓްގައި ލިޔެފަ އެވެ.
ނޭހާ އަށް އަލަތު ދަރިއެއް ލިބުމުން ބޮލީވުޑް ގިނަ ތަރިން އަންނަނީ މަރުހަބާ ކިޔަމުންނެވެ.
މެހެރް ލިބުމުން ވަރަށް އުފަލުން ތިބިކަމަށް އަންގަދު އާއި ނޭހާ ކުރާ ޕޯސްޓުތަކުގައި ދަނީ ބުނަމުންނެވެ.