18 Nov 2018, 15:58
މިނިސްޓަރު އޮފް ޑިފެންސް މާރިޔާ އަހްމަދު ދީދީ، މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)ގެ ލީޑަޝިޕްގެ ބޭފުޅުންނާ މިއަދު ބައްދަލުކުރައްވައިފި އެވެ.
ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އިއްޔެ ރާއްޖޭގެ ރައީސްކަމާ ހަވާލުވެވަޑައިގެންނެވި އިރު، އެމަނިކުފާނުގެ ކެބިނެޓު ވެސް އިއްޔެ ވަނީ އައްޔަނުކުރައްވާފައެވެ.
އޭގެ ތެރޭގައި ޑިފެންސް މިނިސްޓަރުކަމަށް މާރިޔާ އަހްމަދު ދީދީ އައްޔަނުކުރެއްވި އިރު، އެއީ ރާއްޖޭގައި އެ މަގާމު ލިބިވަޑައިގެންނެވި ފުރަތަމަ އަންހެން ބޭކަނބަލެވެ.
Absolutely inspiring. Congratulations@MariyaDidihttps://t.co/7lQM2t0MwN
— Raya ???? (@raayau)November 18, 2018
މިނިސްޓަރު މާރިޔާ، އެމްއެންޑީއެފްގެ ވެރިންނާއެކު މިއަދު ބޭއްވި ބައްދަލުކުރެއްވުމުގައި ޗީފް އޮފް ޑިފެންސް ފޯސް މޭޖާ ޖެނެރަލް އަހްމަދު ޝިޔާމާއި ވައިސް ޗީފް އޮފް ޑިފެންސް ފޯސް ބްރިގޭޑިއާ ޖެނެރަލް އަހްމަދު ޝާހިދު ބައިވެރިވެވަޑައިގެންނެވި އެވެ.
އެ ބައްދަލުވުމުގެ ފޮޓޯތައް އެމްއެންޑީއެފުން އާންމުކޮށްފައިވާ އިރު، ސޯޝަލް މީޑިއާގައި ގިނަ ބަޔަކު ދަނީ ޑިފެންސް މިނިސްޓްރީގެ ވެރިއަކަށް އަންހެނަކު އައްޔަނުކުރުމުން އެކަމަށް ތައުރީފުކުރަމުންނެވެ.
Congratulations@MariyaDidi, the super- qualified, first female Minister of Defense, who has never, ever backed down in the fight for rights, justice and democracy. The institution needs someone who knows what it means to uphold the constitution and the rights of the people.pic.twitter.com/Mixi50uRKZ
— Eva Abdulla ????❓ (@evattey)November 18, 2018
ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެމްބަރު އީވާ އަބްދުﷲ ވިދާޅުވީ މާރިޔާއަކީ ހައްގުތަކާއި، އިންސާފާއި ޑިމޮކްރަސީ ނެގެހެއްޓުމަށް އަބަދުވެސް ކުރިމަތިލެއްވި ބޭކަނބަލެއް ކަމަށާއި ޑިފެންސް މިނިސްޓަރުކަމަށް މާރިޔާ ވަރަށް ގާބިލުކަމަށެވެ.
"އެ މުއައްސަސާ ހިންގުމަށް ބޭނުންވަނީ ގާނޫނު އަސާސީ ނެގެހެއްޓުމާއި ރައްޔިތުންގެ ހައްގުތައް އެނގޭ މީހެއް،" ރާއްޖޭގައި ގާނޫނީ ވަކީލުކަން ކުރުމުގެ ހުއްދަ ލިބިވަޑައިގެންނެވި ފުރަތަމަ އަންހެން ބޭފުޅާ މާރިޔާއަށް ނިސްބަތްކުރައްވައި، އީވާ ވިދާޅުވިއެވެ.
Congratulations@MariyaDidi! I have every hope that you will do this better than anyone before. I wish you the very best. (Yes give them the talk now and then.)https://t.co/8OE9I52Tsq
— Shahindha Ismail ???? (@HindhaIsmail)November 18, 2018
ޕޮލިސް އިންޓަގްރިޓީ ކޮމިޝަނުގެ ކުރީގެ ރައީސާ ޝަހިންދާ އިސްމާއިލް މާރިޔާއަށް މަރުހަބާ ދަންނަވަމުން ވިދާޅުވީ މީގެ ކުރީގެ ޑިފެންސް މިނިސްޓަރުންނަށް ވުރެ ރަނގަޅަށް މަގާމުގެ މަސްއޫލިއްޔަތު އަދާކުރައްވާނެކަމަށް އުންމީދުކުރައްވާ ކަމަށެވެ.
Photo of the year!! Our first female Defense Minister meeting the heads of MNDF! I hope she’s able to bring the institution to order, lest they make the mistake of mutinying again!! Wishing@MariyaDidiluck! ❤️pic.twitter.com/z6akzhr08G
— Jenny Latheef (@LitmusTimes)November 18, 2018
???????? I hope we see more women in the MNDF top brass during these 5 years.
— Farah Didi ???? (@FarahDidi)November 18, 2018
އެމްއެންޑީއެފްގެ ފޮޓޯތަކުން ފެންނަ ގޮތުގައި، އެ ބައްދަލުވުމުގައި އަންހެނަކަށް ހުންނެވީ މިނިސްޓަރު މާރިޔާ އެކަންޏެވެ. އެކަން ފާހަގަކޮށް، ސޯޝަލް މީޑިއާގައި ގިނަ ބަޔަކު ބުނަމުން ދިޔައީ އަސްކަރިއްޔާގެ އިސް ލީޑަޝިޕުގައި ވެސް އަންހެނުން ހިމެނޭތަން ދެކެން ބޭނުންވާ ކަމަށެވެ.