15 Nov 2018, 10:40
މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ ސީއީއޯގެ މަގާމުގައި ހުންނެވި އިބްރާހިމް އަބްދުލްރައްޒާގު ހަލީމް އިސްތިއުފާދެއްވައިފި އެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުގެ ރައީސް މުހައްމަދު ނިޒާރު މިއަދު ކުރެއްވި ޓްވީޓެއްގައި ވިދާޅުވީ ހަލީމް އިސްތިއުފާ ހުށަހަޅުއްވާފައިވާ ކަމަށާއި އެ ބޯޑުން އިސްތިއުފާ ގަބޫލުކޮށްފައިވާ ކަމަށެވެ.
PCB has accepted the resignation of Maldives Ports Limited's Chief Operating Officer Ibrahim Abdul Razzaq Haleem. He will be resigning on 15 November 2018. In his absence the company will be managed by Rabih Mohamed (Assistant CEO).
— Mohamed Nizar (@nixaar)November 15, 2018
ހަލީމް އެމްޕީއެލްގެ ސީއީއޯކަމުން ވަކިވާނީ މިއަދުން ފެށިގެންނެވެ. އެހެންކަމުން ކުންފުނި ވަގުތީ ގޮތުން މެނޭޖުކުރައްވާނީ އެސިސްޓަންޓް ސީއީއޯ ރާބިހު މުހައްމަދު ކަމަށް ނިޒާރު ވިދާޅުވި އެވެ.
ހަލީމް އެމްޕީއެލްގެ ސީއީއޯކަމަށް ހަމަޖެއްސީ 2017 ވަނަ އަހަރުގެ މާޗު މަހުގެ ތެރޭގަ އެވެ.
އޭގެ ކުރިން އޭނާ ވަނީ ރައީސް ޔާމީން ސަރުކާރުގެ ދެކުންފުންޏެއްގެ އިސް މަގާމުތައް ފުރުއްވައިފަ އެވެ. އެއީ އެމްއާރުޑީސީގެ މެނޭޖިންގް ޑިރެކްޓަރުކަމާއި އެމްޓީސީސީގެ ސީއީއޯގެ މަގާމެވެ.