14 Nov 2018, 10:12
ބޮލީވުޑްގެ ކާމިޔާބު ދެ ޖޯޑު ރަންވީރު ސިންހް އާއި ދީޕިކާ ޕަދުކޯން މިއަދު ކައިވެނިކުރާ އިރު އެދެމީހުންގެ ކައިވެނީގެ ރިސެޕްޝަން މި މަހު 28 ގައި ބާއްވާގޮތަށް ނިންމައިފިއެވެ.
ކައިވެނީގެ ރިސެޕްޝަން ބާއްވާނީ މުމްބާއީގައި ހުންނަ "ދަ ގްރޭޓް ހަޔަޓް"ގައެވެ.
ސަންޖޭ ލީލާ ބަންސާލީގެ "ޕަދްމާވަތު"ގެ ލީޑު ދެތަރިންގެ ކައިވެނީގެ ރިސެޕްޝަންއަށް ގިނަ އަދަދެއްގެ ބޮލީވުޑް ފަންނާނުންނަށް ވަނީ ދައުވަތު ދީފައެވެ.
މިހާރު އެދެތަރިންގެ މެހެނދީ ހަފްލާ ދަނީ ކުރިއަށެވެ.
ދެދުވަހުގެ މުއްދަތަށް ކުރިއަށްދާ ކައިވެނީގެ ރަސްމިއްޔާތުތައް އިޓަލީގެ ލޭކް ކޯމޯގައި ބޭއްވުމަށް ވަނީ ހަމަޖެހިފަ އެވެ.
ބޮލީވުޑުން ހޮވައިލެވޭ މަދު އަދަދެއްގެ މީހުންނަށް ވަނީ މި ހަފްލާގެ ދައުވަތު ލިބިފަ އެވެ. އޭގެ ތެރޭގައި ޝާހްރުކް ހާން، ސަންޖޭ ލީލާ ބަންސާލީ، ކަރަން ޖޯހަރު، ފަރާ ހާން، ރޯހިތު ޝެޓީ އަދި އަދިތިޔާ ޗޯޕްޅާ ހިމެނެ އެވެ.
ރަންވީރު އާއި ދީޕިކާ ލޯބީގެ ގޮތުން ގުޅިފައި ވަނީ 2013 ވަނަ އަހަރުއެވެ.