12 Nov 2018, 09:02
ހަ އަހަރު ދުވަސްވަންދެން ލޯބީގެ ގޮތުން ގުޅިގެން އުޅުމަށް ފަހު ކައިވެނީގެ އެންމެ ފަހުގެ ތައްޔާރީތައް ވުމަށް ކާމިޔާބު ބަތަލާ ދީޕިކާ ޕަދުކޯން އާއި އޭނާގެ ލޯބިވެރިޔާ ބަތަލު ރަންވީރު ސިންހް އިޓަލީއަށް ފުރައިފި އެވެ.
މުމްބާއީ އިންޓަނެޝަނަލް އެއާޕޯޓްގައި ތިއްބައި ދެތަރިން ނަގާފައިވާ ފޮޓޯތަކެއް ސޯޝަލް މީޑިއާގައި ދައުރުވަމުން އަންނައިރު ދެތަރިންގެ ކައިވެނި ހަފްލާއަށް ދައުވަތު ދީފައިވަނީ އާއިލާގެ އިތުރުން ގާތް ރަހުމަތްތެރިންނަށް އެކަންޏެވެ.
ދެދުވަހުގެ މުއްދަތަށް ކުރިއަށްދާ ކައިވެނީގެ ރަސްމިއްޔާތުތައް އިޓަލީގެ ލޭކް ކޯމޯގައި ބޭއްވުމަށް ވަނީ ހަމަޖެހިފަ އެވެ. ކައިވެނި ކުރުމަށް ބާކީ ދެ ދުވަސް އޮތްއިރު ލޭކް ކޯމޯ ޒީނަތްތެރިކުރާ މަންޒަރުގެ ފޮޓޯއެއް ވަނީ އިންސްޓަގްރާމް މެދުވެރިކޮށް ދައްކާލައިފަ އެވެ.
View this post on Instagram
@deepikapadukone @ranveersingh #deepikapadukone #ranveersingh #deepveer #deepveerkishaadi
ބޮލީވުޑުން ހޮވައިލެވޭ މަދު އަދަދެއްގެ މީހުންނަށް ވަނީ މި ހަފްލާގެ ދައުވަތު ލިބިފަ އެވެ. އޭގެ ތެރޭގައި ޝާހްރުކް ހާން، ސަންޖޭ ލީލާ ބަންސާލީ، ކަރަން ޖޯހަރު، ފަރާ ހާން، ރޯހިތު ޝެޓީ އަދި އަދިތިޔާ ޗޯޕްޅާ ހިމެނެ އެވެ.
ދެތަރިންގެ ކައިވެނީގެ ހަފްލާ މިމަހުގެ 14 އިން 15 އާ ހިސާބަށް ކުރިއަށްދާނެ އެވެ.
ރަންވީރު އާއި ދީޕިކާ ލޯބީގެ ގޮތުން ގުޅިފައި ވަނީ 2013 ވަނަ އަހަރުގަ އެވެ.