27 Oct 2018, 21:57
ދިރާގު މޯލްޑިވްސް ރޯޑް ރޭސްއަށް ހާއްސަ އެޕްލިކޭޝަން ""ޑީއެމްއާރު" މިފަހަރުވެސް ބޭނުން ކުރާނެ ކަމަށް ދިރާގުން ބުނެފިއެވެ.
މި އެޕްލިކޭޝަން އަކީ ދިރާގުން 2016 ވަނަ އަހަރު ރޯޑް ރޭސްއަށް ތައާރަފް ކުރި ހާއްސަ އެޕްލިކޭޝަނެކެވެ. މިއަހަރުވެސް މި އެޕްލިކޭޝަންގެ ޒަރީއާއިން ދުވުންތެރިންނަށް ބޭނުންވާ މައުލޫމާތު ދެވޭނެ ކަމަށް ދިރާގުން ބުނެއެވެ.
އެގޮތުން ދުވުންތެރިޔާ ގެ ބިބުގައި ހަރުކޮށްފައިވާ ޗިޕު މެދުވެރިކޮށް ނަގާ ޑެޓާތައް މި އެޕްލިކޭޝަން މެދުވެރިކޮށް ދުވުންތެރިޔާއާ ހަމައަށް ގެނެސް ދެވޭނެ ކަމަށް ދިރާގުން ބުނެއެވެ. އަދި ދުވުންތެރިޔާ ދުވަމުން ދާއިރު މި އެޕް މެދުވެރިކޮށް، އޭނާގެ ދުވަމުންދާ ސްޕީޑާއި ދުވަމުންދާ ރާސްތާ ބަލާލެވޭނެއެވެ. އޭނާގެ އައިލާގެ މެމްބަރުންނާއި ރައްޓެހިންނަށް ވެސް އޭނާގެ ސްޓަސް މި އެޕް މެދުވެރިކޮށް ބެލޭނެ ކަމަށް ދިރާގުން ބުނެއެވެ.
މި އެޕްލިކޭޝަން އެޕަލް އެޕްސްޓޯރުންނާއި ގޫގުލް ޕްލޭ ސްޓޯރުން ހިލޭ ޑައުންލޯޑު ކުރެވޭނެއެވެ. ދިރާގު މޯލްޑިވްސް ރޯޑް ރޭސް ފެށެން މިހާރުވަނީ ހަ ދުވަހަށް ވެފައެވެ.