11 Oct 2018, 12:19
ރާއްޖޭގެ އެކި ކަންކޮޅުތަކުގައި މާރަމާރީތައް އިތުރުވާތީ އިންތިހާބީ ރައީސް އިބްރާހިމް މުހައްމަދު ސޯލިހް (އިބޫ) ކަންބޮންޑުވުން ފާޅުކޮށްފި އެވެ.
ތޫނު އެއްޗަކުން ހަމަލާދީ ރޭ 14 އަހަރުގެ ކުޑަ ކުޖައްކު ވަނީ މަރުވެފައެވެ. އޭގެ އިތުރުން އިތުރު ދެ މާރަމާރީއެއްވެސް ވަނީ މިހަފްތާ ތެރޭގައި މާލޭގައި ހިންގާފައެވެ. އަދި މިދިޔަ ހޮނިހިރު ދުވަހު އައްޑޫ ސިޓީ، މަރަދޫފޭދޫގައި 22 އަހަރުގެ ޒުވާނަކަށް ވެސް ތޫނު އެއްޗަކުން ހަމަލާދީ ވަނީ ޒަޚަމްކޮށްލާފައެވެ.
މި މާރަމާރީތަކާ ގުޅިގެން ކަންބޮޑުވުން ފާޅުކުރައްވައި އިބޫ މިއަދު ކުރެއްވި ޓްވީޓެއްގައި ވިދާޅުވީ ރާއްޖޭގެ އެކި ކަންކޮޅުތަކުގައި ނުރައްކާތެރި މާރަމަރީ އިތުރުވެ، ކުޑަކުދިން މާލޭގެ މަގުތަކުގައި މާރާލުމުން ކަންކަން ފާލުން ނެއްޓި ބޮއްސުންލާފައިވާ މިންވަރު ދައްކުވައިދޭކަމަށެވެ.
Raajjey ge eki sarahaddhu thakugai nurakkaatheri maaraamaary ithuruve, kudakudhin Male’ magu thakugai maraalumun kankan faalun netti, bossun laafavaa minvaru dhakkuvaidhey. Iraadha kureviyyaa alhugandumen ekuga massaikaiykoh Raajje akee amaan thanakah hadhaanan.
— Ibrahim Mohamed Solih (@ibusolih)October 11, 2018
ހޮނިހިރު ދުވަހުގެރޭ އައްޑޫ ސިޓީގައި ތޫނު އެއްޗަކުން ހަމަލާދީ މީހަކު ޒަޚަމްކޮށްލި ހާދިސާ އާ ގުޅިގެން 10 މީހަކު ހައްޔަރުކޮށްފައިވާ ކަމަށް ފުލުހުން ވަނީ ބުނެފަ އެވެ.
މީގެ އިތުރުން މާރާމާރީ ހިންގަން އުޅުމުގެ ތުހުމަތުގައި ވަޅިތަކާ އެކު ރޭ ފަސް މީހަކު ވަނީ ހައްޔަރުކޮށްފައިވެ އެވެ.