01 Sep 2018, 18:46
ސްމާޓްފޯނުގެ ބާޒާރުގައި ކުރިއަރަމުން އަންނަ ވާވޭ އިން ނެރުނު ނޯވާ 3 އަދި ނޯވާ 3 އައި މެކްސްކޮމް އިން، ރާއްޖޭގައި ވިއްކަން ފަށައިފި އެވެ.
އައިޓީ ދާއިރާގެ ގިނަ އުފެއްދުންތަކެއް ވިއްކާ މެކްސްކޮމް އިން ބުނީ، މިއަދުން ފެށިގެން ސޯސަންމަގުގައި ހުންނަ ޝޯ ރޫމުން އެ ދެ މޮޑެލްގެ ފޯނު ލިބޭނެ ކަމަށެވެ.
ޖުލައި މަހު ރިލީޒްކުރި އެ ދެފޯނަކީ ޑުއަލް ފްރޮންޓް ކެމެރާ އާއި ޑުއަލް ރެއާ ކެމެރާ ހިމެނޭ ދެފޯނެވެ.
ނޯވާ 3 އަދި 3 އައި އަކީ 6.3 އިންޗީގެ ދެފޯނެވެ. މިއީ ފޭޝަލް ރިކޮގްނިޝަން ފީޗާ ވެސް ހިމަނާފައިވާ މެދު ފަންތީގެ ވަރުގަދަ މޮޑެލްތަކެކެވެ. 128 ޖީބީގެ ނޯވާ 3 އައިގެ މެމޮރީ 256 ޖީބީ އަށް ބޮޑުކޮށްލެވޭނެ އެވެ.
އެޕަލްގެ އެނިމޯޖީ އާ ވައްތަރު ވާވޭގެ ކިއުއިމޯޖީ (3ޑީ އިމޯޖީ) ފީޗާވެސް އެ ދެފޯނުގައި ވަނީ ހިމަނައިފަ އެވެ.
ކަޅު، ރަތް، އައިރިސް ޕާޕަލް، އެއަރީ ބްލޫ ފަދަ ނަލަ ކުލަތަކުން މި ފޯނުތައް ގަންނަން ލިބޭނެ އެވެ.