07 Aug 2018, 15:53
މިނިވަން ނޫހުގެ ނޫސްވެރިޔާ އަހުމަދު ރިލްވާނު އަބްދުﷲ ދިރިހުއްޓާ ފެންނާނެ ކަމަށް އުއްމީދު ކުރައްވާކަމަށް ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމު ވިދާޅުވެއްޖެއެވެ.
ގދ. ފަރެސްމާތޮޑާގައި ވާހަކަފުޅު ދައްކަވަމުން ރައީސް ޔާމީން ވިދާޅުވީ ރިލްވާން މަރު ނުވާ ކަމަށާއި އިރާދަކުރެއްވިއްޔާ އޭނާ ހޯދާނެ ކަމަށެވެ. ރައީސް މިހެން ވިދާޅުވެފައިވަނީ މަޑަވެލީގައި ދެއްކެވި ވާހަކަފުޅުގެ މާނަ އޮޅޭގޮތަށް ވާހަކަ ދައްކާ ކަމަށް ވިދާޅުވެ އެކަން ސާފުކޮށްދެއްވަމުންނެވެ.
މަޑަވެލީގައި ވާހަކަފުޅު ދައްކަވަމުން ރައީސް ވިދާޅުވީ މިނިވަން ނޫހުގެ ނޫސްވެރިޔާ އަހުމަދު ރިލްވާން އަބްދުﷲ ވަނީ ނިޔާވެފައި ކަމަށާއި އެކަމުގައި ޝައްކެއްވެސް ނެތް ކަމަށެވ
"ރިލުވާނު މައްސަލާގައި އަޅުގަނޑު ނިންމީ އޭނަ މަރުވިތޯ ނޫންތޯ އެއް ނޫން. އެކަން ފުލުހުން ތަހުގީގު ކުރާނެ. އަޅުގަނޑުގެ ވާހަކައިގެ މުރާދަކީ އަދީބު ދައްކާ ވާހަކަ އަކީ އެއްވެސް އަސާސެއް މުރާދެއް ނެތް ވާހަކައެއް ނޫނޭ،" ރައީސް ވިދާޅުވިއެވެ.
ކުރީގެ ނައިބު ރައީސް އަހުމަދު އަދީބު މިއަދު ނެރުއްވި ބަޔާނެއްގައި ބުނެފައި ވަނީ ކެބިނެޓް ފެންވަރުގައި ރިލްވާނުގެ މައްސަލަ ބަލަން އުޅެނިކޮށް ރައީސް ޔާމީން އެކަން ހުއްޓުވާފައިވާ ކަމަށެވެ.
"ﷲގެ އިރާދަފުޅުން ރިލްވާނު މަރެއް ނުވަނެ. އަޅުގަނޑުމެންނަށް އޭނަ ހޯދޭނެވެސްމެ،" ރައީސް ޔާމީން ވިދާޅުވިއެވެ.