03 Aug 2018, 18:40
ބްރިޖުމަތީ ކައިވެނިކުރަން ބޭނުންވާ މީހުންނަށް އާދިއްތަ ދުވަހު ފޯމު ދޫކުރަން ފަށާނެ ކަމަށް ހައުސިން މިނިސްޓަރު ޑރ. މުހައްމަދު މުއިއްޒު ވިދާޅުވެއްޖެއެވެ.
ހައުސިން މިނިސްޓަރު ޑރ. މުހައްމަދު މުއިއްޒު މިއަދު ކުރެއްވި ޓްވީޓެއްގައި ވިދާޅުވީ ރައީސް ޔާމީންގެ ވައުދެއް ކަމުގައިވާ ބްރިޖުމަތީގައި އަލަތު ކައިވެނި ކުރަން ބޭނުންވާ ފަރާތްތަކަށް އެކަމަށް އެދި ހުށަހެޅުމުގެ ފުރުސަތު އަންނަ އާދިއްތަ ދުވަހު ހުޅުވާލާނެ ކަމަށެވެ.
ފޯމު ދޫކުރާނީ ހައުސިން މިނިސްޓްރީގެ ކައުންޓަރުން ކަމަށާއި މިމަހުގެ 13 ގެ ނިޔަލަށް ފޯމު ދޫކުރާނެ ކަމަށް މިނިސްޓަރު ވިދާޅުވިއެވެ.
Raees Yameen ge vaudheh kamugaivaa Bridge matheegai alathu kaiveni kuran beynunvaa faraaithakah ekamah edhi hushahelhumuge furusathu 5 August gai hulhuvaaleveyne.@HousingGovMvge counter in form dhookurun adhi balaigathun 13/08 ge niyalah kuriyah dhaane.pic.twitter.com/5bKTzP7kPB
— Dr.Mohamed Muizzu (@MMuizzu)August 3, 2018
ބްރިޖުމަތީ އަލަތު ކައިވެނި ކުރަން ބޭނުންވާ މީހުންނަށް އެ ފުރުސަތު އޮންނާނެ ކަމަށް ރައީސް ވަނީ ޖަލްސާއެއްގައި ވިދާޅުވެފައެވެ. މިހާރު ކުރިއަށްދަނީ ތާރު އެޅުމާއި ލައިޓު ހަރުކުރުން ފަދަ މަސައްކަތް ތަކެވެ. މީގެ އިތުރުން ބްރިޖާ ގުޅިގެން ހަދާ މަގުތަކުގެ މަސައްކަތްވެސް މިހާރު ދަނީ ކުރަމުންނެވެ.
ގާތްގަނޑަކަށް 300 މިލިއަން ޑޮލަރު ހަރަދުކޮށްގެން ހަދާ ސިނަމާލެ ބްރިޖުގެ މަސައްކަތްތައް ސެޕްޓެމްބަރު 25 އަށް ނިންމަން ވަނީ ކޮންޓްރެކްޓު ކޮށްފައެވެ.