27 Jul 2018, 13:47
އަލީ އައްބާސް ޒަފަރު ޑައިރެކްޓުކޮށް، ސަލްމާން ޚާން ލީޑު ރޯލުން ފެނިގެންދާ ފިލްމު "ބާރަތު"ގެ ޝޫޓިން މީގެ ދެ ދުވަސްކުރިން ފެށުނުއިރު އެ ފިލްމުގެ ލީޑުން ފެނިގެންދާ ބަތަލާ ޕްރިޔަންކާ ޗޯޕްރާ އެ ފިލްމު ދޫކޮށްލައިފިއެވެ.
ޕްރިޔަންކާ ފިލްމު ދޫކޮށްލާފައިވާ ކަމަށް ޑައިރެކްޓަރު ކުރި ޓްވީޓްގައި ވަނީ ކަށަވަރުކޮށްދީފައެވެ.
"ޕްރިޔަންކާ ވަނީ ފިލްމު ދޫކޮށްލާފައި. ސަބަބަކީ ވަރަށް ހާއްސަ ސަބަބެއް. ޕްރިޔަންކާގެ ނިންމުމުގެ ސަބަބުތައް ކިޔަިއދިން. އަހަރެމެން އެންމެންވެސް އޭނާއަށްޓަކައި ވަރަށް އުފާވޭ،" ޒަފަރުގެ ޓްވީޓްގައި ބުނެފައިވެއެވެ.
ޕްރިޔަންކާ ފިލްމު ދޫކޮށްލިއިރު ވަނީ ލަވަކިޔުންތެރިޔާ ނިކް ޖޯނަސްއާ އެންގޭޖްވެފައިވާކަން ކަށަވަރުވެފައެވެ.
ފިލްމުގެ ކާސްޓުގެ ތެރޭގައި ސަލްމާން އަދި ދިޝާގެ އިތުރުން ދެން ހިމެނެނީ ތާބޫ، ސުނިލް ގްރޯވަރު، ޓީވީ އެކްޓަރު އާސިފް ޝައިޚް ފަދަ އެކްޓަރުންނެވެ.
ގިނަ ބަޔަކު އިންތިޒާރު ކުރަމުން އަންނަ އެ ފިލްމުގެ ޝޫޓިން ކުރިއަށް ދާނީ އިންޑިއާގެ މުމްބާއީ، މާލްޓާ އަދި ދުބާއީގައެވެ. "ބާރަތު" ރިލީޒް ކުރުމަށް ހަމަޖެހިފައި ވަނީ އަންނަ އަހަރުގެ ފިތުރު އީދާ ދިމާކޮށެވެ.
Yes Priyanka Chopra is no more part of@Bharat_TheFilm& and the reason is very very special , she told us in the Nick of time about her decision and we are very happy for her ... Team Bharat wishes@priyankachopraloads of love & happiness for life ????????????
— ali abbas zafar (@aliabbaszafar)July 27, 2018
ދިހަ އަހަރަށް ފަހު ޕްރިޔަންކާ އަދި ސަލްމާން އެކުގައި ފިލްމަކުން ފެނިގެންދާ މި ފިލްމަށް ގިނަ ބަޔަކު ދިޔައީ އިންތިޒާރުކުރަމުންނެވެ.
ޕްރިޔަންކާ ފިލްމުގެ ލީޑު ރޯލު ދޫކޮށްލާފައިވާއިރު ފިލްމަށް އާ ލީޑް ރޯލެއް ހޯދަން ޒަފަރު އަށް ޖެހޭނެއެވެ. ނަމަވެސް ލީޑް ރޯލުން ފެނިގެންދާނެ ބަތަލާ އެއް ކަށަވަރުވެފައެއް ނުވެއެވެ.
"ބާރަތު" އަކީ 2014 ވަނަ އަހަރު ރިލީޒް ކުރި ދެކުނު ކޮރެއާ ފިލްމު "އޯޑް ޓު މައި ފާދާ"ގެ އެޑެޕްޓޭޝަނެކެވެ.