ޖޯޖް އެޗު ޑަބްލިއު ބުޝްގެ ޑޮކްޓަރެއް މަރާލައިފި

22 Jul 2018, 14:03

ވޮޝިންޓަން (ޖުލައި 22): އެމެރިކާގެ ކުރީގެ ރައީސް ޖޯޖް އެޗް ޑަބްލިއު ބުޝްއަށް ފަރުވާ ދިން ހިތުގެ ޑޮކްޓަރަކަށް ބަޑިން ހަމަލާދީ މަރާލައިފި އެވެ.

ޓެކްސަސް މެޑިކަލް ސެންޓަރު ކައިރީގައި ޑރ. މާކް ހައުސްކުނެޗް، 65، މަރާލީ އޭނާ ބައިސްކަލެއް ދުއްވާފައި ދަނިކޮށެވެ. ފުލުހުން ބުނި ގޮތުގައި ޑރ. ހައުސްކުނެޗްއަށް ހަމަލާ ދިނީ ވެސް ބައިސްކަލެއް ދުއްވާފައި ދިޔަ މީހެކެވެ.

އަދި ފުލުހުން މިހާރު ދަނީ އެ ހާދިސާގެ ސީސީޓީވީ ފުޓެޖް ބަލައި، އެއީ ގަސްތުގައި ރާވައިގެން ދިން ހަމަލާއެއްތޯ ބަލަމުން ކަމަށް އޮފިޝަލުން ވިދާޅުވި އެވެ.

ހައުސްކުނެޗްގެ މަރާ ގުޅިގެން ބުޝް ވަނީ ޑޮކްޓަރުގެ އާއިލާއަށް ތައުޒިޔާގެ މެސެޖެއް ފޮނުއްވާފައިވެ އެވެ. އަދި ހައުސްކުނެޗް އަކީ ވަރަށް މޮޅު ކާޑިއޮލޮޖިސްޓެއް ކަމަށާއި އޭނާގެ ހިދުމަތަށް އަބަދު ވެސް ޝުކުރުވެރިވާނެ ކަމަށް ވިދާޅުވެފައި އެވެ.