14 Jul 2018, 11:22
އިދިކޮޅު ރިޔާސީ ކެންޑިޑޭޓު އިބްރާހިމް މުހައްދު ސޯލިހް(އިބޫ) އާއި ރޭ ޖޭޕީ އިން އިންތިހާބުކުރި އިބޫގެ ރަނިން މޭޓް، ކާށިދޫ ދާއިރާގެ މެންބަރު ފައިސަލް ނަސީމާ އެކު ކެމްޕެއިން ފަށައިފި އެވެ.
އިބޫގެ ރަނިން މޭޓަކަށް ފައިސަލް އިންތިހާބްކޮށްފައި ވަނީ ރޭ ޖުމްހޫރީ ޕާޓީގެ ކައުންސިލްގައި ނެގި ސިއްރު ވޯޓުގައި އެއް ވޯޓުގެ ތަފާތުން ކެންދޫ ދާއިރާގެ މެންބަރު އަލީ ހުސައިންގެ މައްޗަށް ކުރި ހޯއްދަވައިގެންނެވެ.
MDP adhi Gulhifaivaa Siyaasee Party thakuge Riyaasee Candidate Hon.@ibusolih, Addu City adhi Fuvahmulakah kuravvaa dhathurufulhaai Running mate Hon.@FaisalNasymgulhi vadaigenfi.#Ibusolih2018#IMSolih2018#JazeeraRaajjepic.twitter.com/labHHNINvE
— MDP Secretariat (@MDPSecretariat)July 14, 2018
އިދިކޮޅު ޕާޓީތަކުން ގުޅިގެން ކުރިއަށް އޮތް ރިޔާސީ އިންތިހާބަށް ތައްޔާރުވަމުން އަންނަ އިރު އިބޫ އިސްކޮށް ހުންނަވައިގެން ވަނީ އިއްޔެ އައްޑުއަށް ވަޑައިގެން ކެމްޕެއިން ފައްޓަވައިފަ އެވެ. އަދި ފައިސަލް ނަސީމް ކެމްޕެއިންނާ ގުޅިވަޑައިގަތީ މިއަދު ހެނދުނު އެވެ. ޖޭޕީ އިން ފައިސަލާ އެކު ރަނިންމޭޓް ކަމަށް ވާދަކަކުރެއްވި އަލީ ހުސައިން ވެސް ވަނީ އައްޑޫއަށް ވަޑައިގެންފަ އެވެ.
އައްޑު އަށް ފަހު އިދިކޮޅުގެ ކެމްޕެއިން ޓީމް ދިއުމަށް ހަމަޖެހިފައި ވަނީ ފުވައްމުލަކަށެވެ. އިބޫ އާއި ފައިސަލް ރާއްޖޭގެ އެންމެ ދެކުނުގައި ކެމްޕެއިން ކުރަމުން އަންނަ އިރު މާލޭގައި ވެސް އިދިކޮޅު ޕާޓީތަކުގެ އިސް ބައެއް ފަރާތްތަކުން އަންނަނީ ޑޯޓް ޑޯގެ ހަރަކާތްތައް ހިންގަމުންނެވެ.
އަދި ސަރުކާރު ހިންގާ ޕީޕީއެެމްގެ ލީޑާޝިޕުން ވެސް އަންނަނީ މާލޭގައި ދޮރުން ދޮރަށް ކެމްޕޭން ކުރަމުންނެވެ.