10 Jul 2018, 00:50
ކުރިއަށް އޮތް ރިޔާސީ އިންތިޚާބުގައި ވާދަކުރައްވަން ނިންމަވާފައިވާ މިހާރުގެ ރައީސް އަބްދުﷲ ޔާމީންގެ ރަނިން މޭޓަކަށް ޑރ. މުހައްމަދު ޝަހީމް އަލީ ސައީދު ހަމަޖެއްސެވުމަކީ ވަރަށް ރަނގަޅު ނިންމެވުމެއް ކަމަށް އިސްލާމިކް ފައިނޭންސިން ދާއިރާގައި ނުފޫޒުގަފަ ކަނބަލެއް ކަމަށް ޑރ. އާއިޝަތު މުނީޒާ ވިދާޅުވެއްޖެއެވެ.
ޑރ. މުނީޒާ މިއަދު ކުރެއްވި ޓްވީޓެއްގައި ވިދާޅުވެފައިވަނީ ޝަހީމަކީ ވަރަށް ރަނގަޅު ހޮވުމެއް ކަމަށާއި ޝަހީމަށް މަރުހަބާ ވިދާޅުވާ ކަމަށެވެ. އަދި އެކަމަނާ ހުންނެވީ ޝަހީމާ އެކު ކަމަށް ވަނީ ވިދާޅުވެފައެވެ.
Wishing HEP &@Mohamedshaheem1success in the Presidential Election 2018????????. Congrats@Mohamedshaheem1! We are with you! ???? May Allah SW give endless courage & success! There is no better choice than you! بالتوفيق
— Aishath Muneeza (@munee_2)July 9, 2018
ޑރ. މުނީޒާއަކީ އިސްލާމިކް ފައިނޭންސްގެ ދާއިރާއިން ބައިނަލްއަގްވާމީ އެތައް އެވޯޑެއް ހާސިލް ކުރައްވާފައިވާ ބޭކަނބަލެކެވެ. އަދި އިސްލާމިކް ފައިނޭންސް ކުރިއެރުވުމަށް މުނީޒާ ދަނީ ވަރަށް ބޮޑަށް މަސައްކަތް ކުރަމުންނެވެ.
ޑރ. މުނީޒާގެ އިތުރުން ރާއްޖޭގެ ކެބިނެޓްގެ މިނިސްޓަރުންނާއި އަދި ސިޔާސީ މައިދާނުގައި ފުންނާބު އިސް ވެރިންވަނީ ޑރ. ޝަހީމަށް މަރުހަބާ ދަންނަވާފައެވެ. އަދި އޭގެ އިތުރުން ބައެއް ދީނީ އިލްމްވެރިންވެސް ވަނީ ޑރ. ޝަހީމަށް ތާއިދު ކުރައްވަން ނިންމަވާފައެވެ.