03 Jul 2018, 18:59
މޯލްޑިވްސް އެސޯސިއޭޝަން އޮފް ޓްރެވަލް އޭޖެންޓްސް އެންޑް ޓުއާ އޮޕަރޭޓާސް (މަޓާޓޯ)އިން ދޭ މޯލްޑިވްސް ޓްރެވަލް އެވޯޑްސްގެ ގެސްޓްހައުސް އެޑިޝަން މިއަހަރު ހުޅުމާލޭގައި ބާއްވަން ނިންމައިފިއެވެ. މި އެވޯޑްސް އޮންނާނީ އަންނަ މަހުގެ ފުރަތަމަ ހަފްތާގައެވެ.
ގެސްޓްހައުސް އެޑިޝަންއަށް 15 ކެޓަގަރީ އަކުން 111 ނޮމިނޭޝަންސް ރެޖިސްޓާ ކޮށްފައިވާއިރު ނޮމިނޭޝަންސްތަކަށް އެސްއެމްއެސް އަދި އޮންލައިންކޮށް ވޯޓުކުރުން ވަނީ ހުޅުވާލައިފައެވެ. އެސްއެމްއެސް އަދި އޮންލައިން ވޯޓުލުން މިމަހުގެ ނިޔަލަށްވަނީ ހުޅުވާލައިފައެވެ.
އޮންލައިންކޮށް ވޯޓުލުންޓްރެވަލް އެވޯޑްސްގެ ވެބްސައިޓުގައި ވަނީ ހުޅުވާލައިފައެވެ.
މި އެވޯޑަށް ރާއްޖޭގައި ހަރަކާތްތެރިވާ 60 ގެސްޓްހައުސްއެއް ވަނީ ނޮމިނޭޓުވެފައެވެ.
ލޯކަލް ޓޫރިޒަމް ޕްރޮމޯޓުކުރުމަށް ޓްރެވަލް އެވޯޑްސް ގައި ގެސްޓްހައުސްތަކަށް ޚާއްސަ އެވޯޑުތަކެއް ތައާރަފުކުރީ މިދިޔަ އަހަރުއެވެ. ގެސްޓްހައުސް އެޑިޝަންގައި އެވޯޑު ދޭނީ ޓްރިޕްއެޑްވައިޒާގައި އެ ޕްރޮޕަޓީއަކަށް ލިބިފައިވާ ރޭޓިންގްއިން 40 ޕަސެންޓު، އަދި އާންމުންގެ ވޯޓުން 60 ޕަސެންޓަށް ބަލައިފައެވެ.
މިދިޔަ އަހަރު މަޓާޓޯ ޓްރެވަލް އެވޯޑްސް ގެސްޓްހައުސް އެޑިޝަނުން ލީޑިންގް ގެސްޓްހައުސްގެ އެވޯޑު ލިބުނީ ކ. މާފުށީގެ އެރީނާ ބީޗު ހޮޓެލްއަށެވެ.
ގެސްޓްހައުސް އެޑިޝަންގެ އެވޯޑް ދޭ ކެޓަގަރީތަކަކީ:
ގެސްޓްހައުސް ކެޓަގަރީތައް:
ލީޑިންގް ގެސްޓްހައުސް
- ލީޑިންގް ފުޑް އެންޑް ބެވަރޭޖް ގެސްޓްހައުސް
- ލީޑިންގް ގެސްޓްހައުސް - ޑައިވިންގް އެންޑް ވޯޓާސްޕޯޓްސް
- ލީޑިންގް އީކޯ-ފްރެންޑްލީ ގެސްޓްހައުސް
- ލީޑިންގް ބިޒްނަސް ގެސްޓްހައުސް
- ލީޑިންގް ހެރިޓޭޖް ގެސްޓްހައުސް
- ލީޑިންގް އެޑްވެންޗާ ގެސްޓްހައުސް
- މޯސްޓް އިނޮވޭޓިވް ގެސްޓްހައުސް ކޮންސެޕްޓް
އައިލެންޑް، ބްރޭންޑް އަދި ސާވިސް ކެޓަގަރީތައް:
ލީޑިންގް ގެސްޓްހައުސް ބްރޭންޑް
- ލީޑިންގް ޓްރާންސްޕޯޓު ސާވިސް ޕްރޮވައިޑާ
- ލީޑިންގް ގެސްޓްހައުސް އައިލެންޑް
- ލީޑިންގް ބީޗު އައިލެންޑް
މަޓާޓޯއިން ދޭ އެވޯޑުތައް:
ލީޑިންގް ބިޒްނަސް ޑިވެލޮޕްމަންޓް ޕާޓްނާ ފޯ ދަ ގެސްޓްހައުސް އިންޑަސްޓްރީ
- ނިއު ކަމާ އޮފް ދަ އިޔާ
- މޯސްޓް ސަޕޯޓިވް ގެސްޓްހައުސް