28 Jun 2018, 10:26
ވޮޝިންޓަން (ޖޫން 28): އެމެރިކާގެ ސުޕްރީމް ކޯޓުގެ ފަނޑިޔާރު އެންތަނީ ކެނެޑީ އަންނަ މަހުގެ 31ގައި ރިޓަޔާ ކުރައްވާނެ ކަން އިއުލާން ކުރައްވައިފި އެވެ.
ފަނޑިޔާރު ކެނެޑީ، އެމެރިކާގެ ރައީސް ޑޮނަލްޑް ޓްރަމްޕަށް ލިޔުއްވި ސިޓީއެއްގައި ވަނީ، އެގައުމުގެ އެންމެ މަތީ ކޯޓުގައި މަސައްކަތް ކުރައްވަން ފުރުސަތު ލިބުމުން ޝުކުރުވެރިވާ ކަމަށް ވިދާޅުވެފަ އެވެ. ނަމަވެސް އެމަގާމުން އިސްތިއުފާ ދެއްވަނީ އާއިލާއާ އެކު ވަގުތު ހޭދަ ކުރައްވަން ބޭނުންފުޅުވާތީ ކަމަށް ވިދާޅުވެފަ އެވެ.
ނުވަ ފަނޑިޔާރުން ހިމެނޭ ސުޕްރީމް ކޯޓުގައި ކެނެޑީއަކީ ދެވަނައަށް އެންމެ އުމުރުން ދުވަސްވީ ފަނޑިޔާރެވެ. ކެނެޑީއަށް 81 އަހަރުވެފައިވާ އިރު އެންމެ ދުވަސްވީ ފަނޑިޔާރު ކަމަށްވާ ރޫތް ބޭޑާ ގިންސްބާގްގެ އުމުރުން 85 އަހަރުވެއްޖެ އެވެ.
ސުޕްރީމް ކޯޓަށް ކެނެޑީ އައްޔަން ކުރަން އޭނާގެ ނަން ގާނޫނު ހަދާ މަޖިލީހަށް ހުށަހެޅީ ކުރީގެ ރައީސް ރޮނަލްޑް ރޭގަން އެވެ. އަދި އެކޯޓުގެ ފަނޑިޔާރުކަން ކުރައްވަން ކެނެޑީ ފެއްޓެވީ 1988 ވަނަ އަހަރެވެ.
އެމެރިކާގެ ސެނެޓުގެ މެޖޯރިޓީ ލީޑަރު މިޗް މެކޮނެލް ވަނީ ފަނޑިޔާރު ކެނެޑީގެ މަގާމަށް ދެން އައްޔަން ކުރާނެ ބޭފުޅެއްގެ ނަން ރައީސް ޓްރަމްޕް ހުށަހެޅުމުން، އެކަމާ ބެހޭ ވޯޓެއް މަޖިލީހުގައި މި އަހަރުގެ ފަހުކޮޅު ނަގާނެ ކަމަށް ވިދާޅުވެފަ އެވެ. (ބީބީސީ)