29 May 2018, 16:11
މިހާރު އެމެރިކާގެ ނޯތް ކެރޮލައިނާއަށް އަރައިގެން އުޅޭ ތޫފާން އަލްބާޓާ ކަވަރު ކުރަން އުޅުނު ދެ ނޫސްވެރިން މަރުވެއްޖެ އެވެ.
އެ ހާދިސާގައި މަރުވެފައި ވަނީ ޑަބްލިއު ވައި އެފް އެފްގައި މަސައްކަތް ކުރަން އުޅުނު ދެ ނޫސްވެރިން ކަމަށްވާ މައިކް މެކްމޯރިކްއާއި އާރޮން ސްމެލްޓްޒާ އެވެ. އެ ދެ ނޫސްވެރިން ވެސް މަރުވެފައި ވަނީ އެ ދެމީހުން ހައިވޭއެއްގައި ދަރުކުރުރަމުން ގެންދިޔަ ކާރުގެ މައްޗަށް 30 ފޫޓަށް ވުރެ ދިގު ގަހެއް ވެއްޓިގެންނެވެ.
އެ ހާދިސާގައި މަރުވި މައިކް އަކީ ރިޕޯޓަރެކެވެ. އޭނާ ވަނީ ރިޕޯޓަރެއްގެ ގޮތުގައި ދިހަ އަހަރު ހޭދަކޮށްފަ އެވެ. އަދި އާރޮން އަކީ ފޮޓޯ ޖާނަލިސްޓެކެވެ.
ދެ ނޫސްވެރިން މަސައްކަތް ކުރީ ޓީވީ ޗެނަލްގެ ނިއުސް އެކަންކަރު ކެރޮލް ގޯލްޑްސްމިތު ވިދާޅުވީ ގެއްލިގެން ދިޔައީ ހަމައެކަނި އަގުހުރި ނޫސްވެރިންތަކެއް ނޫން ކަމަށާއި އެ ދެމީހުންނަކީ ވެސް ވަރަށް ރަނގަޅު އެކުވެރިންކަމަށެވެ.
އެ ޗެނަލްގެ ބެލުންތެރިން ވެސް ދަނީ ދެމީހުންގެ މަރާ ގުޅިގެން ހަމްދަރުދީގެ މެސެޖުތައް ފޮނުވަމުންނެވެ.
(ބީބީސީ)