24 May 2018, 13:32
ވިއްސާރަވެ، މޫސުން ގޯސްވެފައިވާތީ އެމްޓީސީސީ އިން އަތޮޅުތަކުގައި ދެމުންދާ ފެރީގެ ޚިދުމަތްވެސް ބައެެއް އަތޮޅުތަކުގައި މެދުކަނޑާލައިފިއެވެ.
އެ ކުންފުނިން ބުނީ ހއ، އިން ފެށިގެން ޅ. އަތޮޅާ ހަމައަށް 14 ފެރީއެއް ކެންސަލް ކޮށްފައިވާ ކަމަށާއި މާލެއާއި ކާށިދޫއާ ދެމެދު ދަތުރުކުރާ ފެރީގެ އިތުރުން އއ. އަތޮޅުގެ ބައެއް ރަށްރަށުން މާލެއަށް ދަތުުރުކުރާ ފެރީގެ އިތުރުން ގއ އަތޮޅުގެ ތިން ފެރީއެއްވެސް ކެންސަލް ކޮށްފައިވާ ކަމަށެވެ.
މޫސުން ގޯސްވެ ވިއްސާރަވާނެތީ މެޓުން ވަނީ ކ. އަތޮޅުން ފެށިގެން ލ އަތޮޅާއި ހަމައަށް ޔެލޯ އެލާޓްވެސް ނެރެފައެވެ.
Due to the current weather conditions the following CTN ferry routes have been cancelled.
Date: 24th May 2018#MTCC#RayyithungeKunfuni#TransportForMaldives#ComprehensiveTransportNetworkpic.twitter.com/AZjUB4Jsu7— MTCC Plc (@MTCCPlc)May 24, 2018
މެޓް އޮފީހުން ލަފާކޮށްފައިވާގޮތުގައި ޔެލޯ އެލާޓް ނެރެފައިވާ ސަރަހައްދުގެ ރަށްރަށަށް ގަދަ ވަޔާއެކު ބޯކޮށް ވާރޭ ވެހޭނެއެވެ. ވައި ޖެހޭނެ ކަމަށް ލަފާކޮށްފައިވަނީ 23 މޭލާ 25 މޭލާ ދެމެދުގެ ބާރުމިނުގައެވެ. އަދި ވިލާ ގަނޑުގައި 45 މޭލަށް ވައި ގަދަވާނެ ކަމަށް ވަނީ ލަފާކޮށްފައެވެ.
މިއަދުގެ މޫސުން ކުރިއަށް ލަފާކުރާގޮތަށް ބަލާއިރު ރާއްޖޭގެ އެކިހިސާބަށް ވިއްސާރަކުރާނެ ކަމަށާއި އަދި ބައެއް ރަށްތަކަށް ގުގުރުމާއެކު ބޯކޮށް ވާރޭވެހުން އެކަށިގެންވާ ކަމަށް މެޓުން ބުނެއެވެ.
އުތުރާއި މެދުތެރޭގެ ކަނޑުތައް ގަދަވާނެ ކަމަށާއި އެހެން ހިސާބުތަކުގެ ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި އިތުރަށް ގަދަވާނެ ކަމަށްވެސް އެ އިދާރާއިން ލަފާކުރެއެވެ. ހާއްސަކޮށް އުތުރާއި މެދުތެރޭގައި ގަދަވާނެކަމަށް ލަފާކުރެވޭތީ، ކަނޑު ދަތުރުފަތުރުކުރައްވާ ފަރާތްތަކުން މިކަމަށް ސަމާލުވެލުވުމަށް ވެސް މެޓުން އިލްތިމާސްކުރެއެވެ.
އެ އިދާރާ އިން ބުނީ ދިޔަވަރު އެންމެ ބޮޑުވާ ގަޑީގައި ބައެއް ރަށްތަކަށް އުދައިގެ އަސަރުކުރުމަކީ ވެސް އެކަށީގެންވާކަމެއް ކަމަށެވެ.
އެކި ސަރަޙައްދުތަކަށް ދިޔަވަރު އެންމެ ބޮޑުވާނެ ގަޑިތައް:
އުތުރުގެ ސަރަހައްދުތަކަށް މިއަދު 1945 އަދި މާދަމާ 09:26 ގައި
މެދުތެރޭގެ ސަރަހައްދުތަކަށް މިރޭ 21:08 އަދި މާދަމާ 10:27 ގައި
ދެކުނުގެ ސަރަހައްދުތަކަށް މިއަދު 10:19 އަދި މިރޭ 22:25 ގައި