09 May 2018, 20:46
ސުޕްރީމް ކޯޓުގެ ފަނޑިޔާރު އަލީ ހަމީދު މުހައްމަދު ނޭވާ ހާސްވެގެން އެމަޖެންސީގައި އައިޖީއެމްއެޗުގައި އެޑްމިޓްކޮށްފިއެވެ.
އަލީ ހަމީދު އައިޖީއެމްއެޗަށް ގެންގޮސްފައި ވަނީ މިރޭ 7:50 އެހައިކަންހާއިރު، ކްރިމިނަލް ކޯޓަށް ހާޒިރުކޮށްފައި ހުންނަވަނިކޮށް ނޭވާ ހާސްވެގެންނެވެ.
އަލީ ހަމީދު މިރޭ ކޯޓަށް ހާޒިރުކުރީ ދައުލަތުން އޭނަ އާއި އުއްތަމަ ފަނޑިޔާރު އަބްދުﷲ ސައީދުގެ މައްޗަށް އުފުލާފައިވާ ރަސްމީ ހައިސިއްޔަތުން ކުރަންޖެހޭ ކަންކަމަށް ނުފޫޒު ފޯރުވުމުގެ ދައުވާގެ ހުކުމް އިއްވުމަށެވެ.
އޭނާ އައިޖީއެމްްއެޗަށް ގެންދިޔައީ ކަރެކްޝަނަލް ސާވިސްގެ ވެހިކަލްގައެވެ.
މިދިޔަ ފެބްރުއަރީ މަހުގެ ފަސް ވަނަ ދުވަހުގެ ރޭ ހައްޔަރުކޮށް ތަހުގީގަށް ބަންދުކޮށްފައި ހުއްޓައި ވެސް އަލީ ހަމީދުގެ ހާލު ދެރަވެ ވަނީ އައިޖީއެމްއެޗުގައި އެޑްމިޓްކޮށް ފަރުވާދީފައެވެ.