08 May 2018, 09:59
އިންޑިއާގެ އީކޮމާސް ވިޔަފާރީގައި ކުރިއަރަމުން އަންނަ ފްލިޕްކާޓުގެ މެޖޯރިޓީ ހިއްސާ ގަންނަން ވޯލްމާޓުން ނިންމައިފިއެވެ.
ހަބަރުތައް ބުނާގޮތުން އިނގިރޭސިވިލާތުގެ ގްރޯސަރީ ވިޔަފާރީގައި އެންމެ ނުފޫޒުގަދަ ވޯލްމާޓުން ފްލިޕްކާޓުގެ 75 ޕަސެންޓް ހިއްސާ ގަންނާނެއެވެ. އެއީ15 ބިލިއަން ޑޮލަރު ކަމަށްވެސް ހަބަރުތައް ބުނެއެވެ.
ފްލިޕްކާޓުގެ ހިއްސާ ގަންނަން ވޯލްމާޓުން އެކުންފުންޏާއެކު މަޝްވަރާތައް ފަށާފައިވަނީ 2016 ވަނަ އަހަރުއެވެ.
ދެހާސް ހަތްވަނަ އަހަރު ވިޔަފާރި ފެށި ފްލިޕްކާޓުގައި 100 މިލިއަނަށްވުރެ ގިނަ ރެޖިސްޓާޑް ޔޫޒަރުން ތިބި އިރު އެ ކުންފުނިން މަހެއްގެ މައްޗަށް އަށް މިލިއަން ޝިޕްމެންޓު ކުރެއެވެ.
މައިކްރޯސޮފްޓް، ސޮފްޓްބޭންކް އަދި ޓެންސެންޓް ފަދަ ކުންފުނިތަކުގެ ނަޒަރުވެސް ފްލިޕްކާޓަށް ހުއްޓުނެވެ.
ވޯލްމާޓުން އިންޑިއާގެ ފްލިޕްކާޓުގެ މެޖޯރިޓީ ހިއްސާ ގަންނަން ނިންމީ އީކޮމާސްގެ ބާޒާރުގައި އިންޑިއާ ކުރިއަރަމުން އަންނަ ބާރުމިނަށް ބަލައިފައެވެ. އެގައުމުގައި އޮންލައިންކޮށް ކުރާ ވިޔަފާރީގެ އަގު 50 ބިލިއަން ޑޮަލަރަށް އަރައެވެ.
އެމެޒޯން ވެސް ވަނީ ފްލިޕްކާޓުގެ ހިއްސާ ގަންނަން މަސައްކަތް ކޮށްފައެވެ. ވޯލްމާޓުން ފްލިޕްކާޓުގެ ހިއްސާ ގަންނަން މަސައްކަތް ކުރަމުންދާއިރު ބައެއް ފަރާތްތަކުން ބުނާގޮތުގައި މި މުއާމަލާތާ އިންޑިއާގެ ގާނޫނުތަކާ ފުށޫ އަރައެވެ. އެފްޑީއައި އަކީ އިންޑިއާގެ އީ ކޮމާސް ގާނޫނު ހުއްދަ ކުރާ ކަމެއް ނޫންކަމަށް އިންޑިއާގެ ރިޕޯޓުތައް ބުނެއެވެ.