އެމެރިކާގެ އަސްުކަރީ މަތިންދާބޯޓެއް ވެއްޓި ދެ މީހުން މަރުވެއްޖެ

02 May 2018, 22:09

އެމެރިކާގެ އަސްކަރީ ކާގޯ މަތިންދާބޯޓެއް އެގައުމުގެ ޖޯޖިއާ ސްޓޭޓަށް ވެއްޓި ދެ މީހުން މަރުވެއްޖެއެވެ.

ފަސް މީހުން ގޮވައިގެން ދަތުރުކުރަނިކޮށް ވެއްޓުނީ އެމެރިކާގެ އަސްކަރިއްޔާގައި ބޭނުންކުރާ އޭ ސީ-130 މަތިންދާބޯޓެކެެވެ. ބޯޓު ވެއްޓުނުކަން އެމެރިކާގެ އަސްކަރިއްޔާއިންވެސް ވަނީ ޔަގީންކޮށްދީފައެވެ.

އެ ބޯޓު ނައްޓާލިތާ ކުޑައިރުކޮޅެއްގެ ތެރޭގައި ވަނީ އެއާޕޯޓާ ވަރަށް ކައިރި ހައިވޭއަކަށް ވެއްޓިފައެވެ. އެ ހާދިސާއާ ގުޅިގެން ހައިވޭ މިހާރު ވަނީ ބަންދުކޮށްފައެވެ.

ބޯޓު ވެއްޓި ވަރަށް ބޮޑަށް ދުން އަދަމުންދާއިރު، އެ ސަރަހައްދުގައި އިމަޖެންސީ ސާވިސާސް އިން ދަނީ ހަރަކާތްތެރިވަމުންނެވެ.