28 Apr 2018, 17:41

މަގްބޫލު 'ރޭސް' ފްރެންޗައިޒްގެ ތިން ވަނަ އިންސްޓޯލްމަންޓް 'ރޭސް 3'ގެ އާ ޕޯސްޓަރެއް ދައްކާލައި ފިލްމު ރިލީޒްކުރާނެ ތާރީހެއް އިއުލާންކޮށްފިއެވެ.

އަންނަ ޖޫން މަހުގެ 15 ވަނަ ދުވަހު ސްކްރީނަށް އަންނަ އެ ފިލްމަކީ ބޮލީވުޑްގެ ކާމިޔާބު ކޮރެއޮގްރަފާރު އަދި ޑައިރެކްޓަރު ރޭމޯ ޑިސޫޒާ ޑައިރެކްޓް ކުރާ ފިލްމެކެވެ.

ރަމޭޝް ޓޮރާނީ ޕްރޮޑިއުސް ކުރާ 'ރޭސް 3'ގައި ސަލްމާން އާއި ޖެކްލީންގެ އިތުރުން ދެން ފެނިގެން ދާނީ ބޮބީ ޑިއޯލްއާއި ޑެއިޒީ ޝާހް، ފްރެޑީ ދާރޫވާލާ އަދި ސާގިބް ސަލީމް އެވެ.

ސޮނާކްޝީ ސިންހާ ވެސް ފިލްމުގެ ރޯލަކުން ފެންނާނެ ކަމަށް ރިޕޯޓްތައް ބުނެފައިވާއިރު ރޭސް 3 އަކީ އެހެން ރޭސް ފިލްމު ތަކާ ހިލާފަށް ބުރަ މަސައްކަތެއް ކޮށްފައިވާ ފިލްމެއް ކަމަށް ފިލްމުގެ ޓީމުން ވަނީ ބުނެފައެވެ.