11 Apr 2018, 12:59
ދެ ހާސް ބާރަ ވަނަ އަހަރު ރިލީޒްކުރި ކަރަން ޖޯހަރުގެ ކާމިޔާބު ފިލްމު، 'ސްޓުޑެންޓް އޮފް ދަ އިޔާ'ގެ ދެ ވަނަ ބައި 'ސްޓުޑެންޓް އޮފް ދަ އިޔާ 2'ގެ ޝޫޓިން މި ހަފްތާގައި ފަށާފައިވާ އިރު ފިލްމުގެ ދެ އަންހެން ލީޑް ތަރިން މިއަދު އިއުލާންކޮށްފި އެވެ.
ޓައިގާ ޝްރޮފް ލީޑުން ފެނިގެންދާ އެ ފިލްމުގެ ޝޫޓިން މިހާރު ކުރިއަށްދާއިރު ފިލްމުގެ އަންހެން ލީޑުން ފެނިގެންދާނީ ތާރާ ސުޓަރިއާ އަދި އަނަންޔާ ޕަންޑޭ އެވެ.
.@DharmaMoviesis proud to present its new student in the Batch of 2018! Here she comes... TARA!#SOTY2@iTIGERSHROFF@apoorvamehta18@punitdmalhotra@DharmaMovies@foxstarhindi@SOTYOfficialpic.twitter.com/7Oc5bAdnJ0
— Karan Johar (@karanjohar)April 11, 2018
ފިލްމުގައި ފެނިގެންދާ އެ ދެ އަންހެން ލީޑް ތަރިން އިއުލާންކޮށްފައި ވަނީ މިއަދު ކަރަން ޖޯހަރު ކުރި ޓުވީޓްއެއް ގަ އެވެ.
ދެ އަންހެން ލީޑް ތަރިން މިހާރު އިއުލާން ކުރުމާ އެކު ފިލްމުގައި ހަރަކާތްތެރިވާނެ ތިން ލީޑް ތަރިން ވަނީ ކަށަވަރުވެފަ އެވެ.
އެ ފިލްމު ޑައިރެކްޓު ކުރާނީ ޕުނީތު މަލޯތުރާ އެވެ. އަދި އެ ފިލްމަކީ ކަރަން ޖޯހަރުގެ ދަރްމާ ޕްރޮޑަކްޝަންސް އިން ގެނެސްދޭ ފިލްމެކެވެ.
އަންނަ ނޮވެމްބަރު މަހުގެ 23 ވަނަ ދުވަހު ފިލްމު ރިލީޒްކުރާ ގޮތަށް ވަނީ ހަމަޖެހިފަ އެވެ.
And finally! Presenting ANANYA - joining class of 2018 at Saint Teresa! Welcome to the movies!#SOTY2@iTIGERSHROFF@apoorvamehta18@punitdmalhotra@DharmaMovies@foxstarhindi@SOTYOfficialpic.twitter.com/GdPvv1wM3h
— Karan Johar (@karanjohar)April 11, 2018
މީގެ ކުރިން ތާރާ ވަނީ ޑިޒްނީ ޓީވީގެ ޝޯތަކުން ފެނިގެން ގޮސްފަ އެވެ. ނަމަވެސް މި ފިލްމަކީ އަނަންޔާ ފުރަތަމަ ފަހަރަށް ކެމެރާ ކުރި މައްޗަށް ގެންނާނެ ފިލްމެވެ.
ދެހާސްބާރަ ވަނަ އަހަރު ނުކުތް ފިލްމު ސްޓޫޑެންޓް އޮފް ދަ އިޔާގައި ހަރަކާތްތެރިވެފައި ވަނީ އާލިއާ ބަޓް، ވަރުން ދަވަން އަދި ސިދާތު މަލްހަތްރާ އެވެ.