30 Mar 2018, 18:01
ކުއްލި ނުރައްކަލުގެ ހާލަތުގެ ދަށުން ހައްޔަރުކުރި ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެންބަރު އަހްމަދު މަހުލޫފް، އިތުރު ފަސް ދުވަހަށް ބަންދުގައި ބެހެއްޓުމަށް ކްރިމިނަލް ކޯޓުން އަމުރުކޮށްފިއެވެ.
މަހުލޫފް ހައްޔަރުކޮށްފައިވަނީ މިދިޔަ މަހުގެ 23 ވަނަ ދުވަހުގެ ރޭ އިދިކޮޅު ފަރާތްތަކުން އާޓިފިޝަލް ބީޗު ސަރަހައްދުގައި މުޒާހަރާ ކުރަމުން ދަނިކޮށް އެމްޑީޕީ ހަރުގޭގައި ހުންނަވަނިކޮށެވެ.
މިމަހުގެ 17 ވަނަ ދުވަހު ވެސް ކްރިމިނަލް ކޯޓުން ވަނީ މަހުލޫފްގެ ބަންދު އިތުރު ކުރުމަށް އަމުރުކޮށްފައެވެ. އެ ފަހަރު މަހުލޫފްގެ ބަންދަށް ކޯޓުން ޖެހި 13 ދުވަހުގެ މުއްދަތު މިރެއަށް ހަމަވާނެއެވެ.
މަހްލޫފްގެ މައްޗަށް ޖުމްލަ ތިން ދައުވާއެއް އުފުލާފައިވެއެވެ. އެއީ ގާނޫނު ތަންފީޒުކުރާ މުވައްޒަފެއްގެ މަސައްކަތަށް ހުރަސް އެޅުމާއި ދޮގު މައުލޫމާތު ދިނުމުގެ ދެ މައްސަލައެވެ.