29 Mar 2018, 08:38
އޭޝިއާގެ އެންމެ އަގުބޮޑު ކުންފުނި "ޓެންސެންޓު ހޯލްޑިންގްސް"ގެ އެއް މިލިއަން ހިއްސާ ވިއްކާލައިފިއެވެ.
ބުދަ ދުވަހު ޓެންސެންޓުގެ ރައީސް، މާޓިން ލައު، ކުންފުނީގައި އޮންނަ އޭނާގެ އެއް މިލިއަން ހިއްސާ ވިއްކައިލިއިރު އޭގެ އަގު 55 މިލިއަން ޑޮލަރަށް އަރައެެވެ.
މާޓިން އޭނާގެ އެއް މިލިއަން ހިއްސާ ވިއްކާލިއިރު އެކުންފުނީގެ އަގު ހިއްސާގެ ބާޒާރުގައި ހުސްވި އަހަރު ވަނީ ދެގުނަ އިތުރުވެފައެވެ.
ޓެންސެންޓުގެ އެންމެ ގިނަ ހިއްސާ އޮންނަ ނަސްޕާސް އިންކް އިން ވަނީ 9.8 ބިލިއަނަށް އެފަރާތުގައި އޮންނަ ޓެންސެންޓުގެ ދެ ޕަސެންޓު ހިއްސާ ވެސް ވިއްކާލައިފައެވެ.
ޓެންސެންޓުގެ ރައީސް އޭނާގެ ހިއްސާ އިން ބައެއް ވިއްކާލުމާއެކު އެކުންފުނީގެ އަގު ވަނީ ހިއްސާގެ ބާޒާރުގައި ދަށަށް ގޮސްފައެވެ. ނަމަވެސް ޓެންސެންޓަކީ އަދިވެސް އޭޝިއާގައި އޮތް އެންމެއަގުބޮޑު ކުންފުންޏެވެ.
ހޮންކޮންގުގައި ހިންގާ އެ ކުންފުންޏަކީ ދުނިޔޭގެ ހިއްސާގެ ބާޒާރުގައި ފަސްވަނައަށް އެންމެ އަގުބޮޑު ކުންފުންޏެވެ.