ޖުމްހޫރީ މައިދާނަށް ވަދެގަތުމަށްޓަކައި ތަކުރާރުކޮށް މުޒާހަރާގެ ބައިވެރިން ކުރި މަސައްކަތް ފުލުހުން ނާކާމިޔާބު ކޮށްލުމުން، ވަކި ހިސާބަކުން މުޒާހަރާ ވަނީ ހުއްޓާލާފައި. މިރޭގެ މުޒާހަރާގެ ތެރެއިން ގިނަ އަދަދެއްގެ ބަޔަކު ވަނީ ހައްޔަރުކޮށްފަ

އެމްއެމްއޭ ސަރަހައްދަށް އެއްވާން މަސައްކަތް ކުރި މުޒާހަރާގެ ބައިވެރިންނާ ދިމާލަށް އަނެއްކާވެސް ކަރުނަގޭސް ޖަހައިފި

މާރުކޭޓު ސަރަހައްދަށް އަނެއްކާވެސް ކަރުނަ ގޭސް ޖަހައިފި.

މިހާރު މުޒާހަރާގެ ބައިވެރިން ތިބީ ލޯކަލް މާރުކޭޓްއާ ހަމައަށް ފަހަތަށް ޖައްސާފައި. ފުލުހުން ވަނީ މުޒާހަރާގެ ތެރެއިން އިތުރު އަށް މީހަކު ހައްޔަރުކޮށްފައި.

ސިފައިން ދަނީ މުޒާހަރައިގެ ބައިވެރީން، އެސްޓީއޯ ސުޕަމާޓް ކައިރިން އޯކިޑް މަގުން ފަރީދީ މަގަށް ފަހަތަށް ޖައްސަމުން.

ކަރުނަގޭސް ޖެހުމަށްފަހު، ފަސް މީހަކު ހައްޔަރުކޮށްގެން ގެންގޮސްފި.

މުޒާހަރާގެ ބައިވެރިން ދުރުކުރުމަށް އެމްއެމްއޭ ސަރަހައްދަށް ކަރުނަ ގޭސް ޖަހައިފި.

ޖުމްހޫރީ މައިދާނަށް ވަންނަން އޮންނަ ގްރީން ޒޯން ހިމެނޭ ހުރިހާ މަގެއް ވަނީ ބަންދުކޮށްފައި.

ވީޑިއޯ ހަދައިގެން ފުލުހުންނަށް އިންޒާރުދިން މައްސަލައިގައި ތިން މީހަކު ހައްޔަރުކޮށްފި.

ފުލުހުންގެ އަމުރަށް ނުކިޔަމަންތެރިވި ހަ މީހަކު ހައްޔަރުކޮށްފި. އޭގެ ތެރޭގައި އެމްޑީޕީގެ އެކްޓިވިސްޓު ނައީމާ މުހައްމަދު (ނައީމާއްތަ) ވެސް ހިމެނޭ.

މިހާރު ޕީޕީއެމް އޮފީހުގައި ކުރިއަށްދާ ނޫސްވެރިންގެ ބައްދަލުވުމުގައި އާޒިމާ ވިދާޅުވީ ސުޕްރީމް ކޯޓުން ފެބުރުއަރީ މަހުގެ އެއްވަނަ ދުވަހު ނެރުނު އަމުރަކީ ގާނޫނުއަސާސީއާ ހިލާފަށް ކަމަށް. ގާނޫނުއަސާސީއާ ހިލާފަށް ނެރޭ އަމުރު ތަންފީޒު ނުކުރާނެ ކަމަށް އާޒިމާ ވިދާޅުވި.

ރައްޔިތުންނަށް ރައްކާތެރިކަން އޮތީ މަގުމަތި ބެލެހެއްޓިގެން ކަމަށްވާތީ އެކަން ފުލުހުންނާއި ސިފައިން ކުރާނެ ކަމަށް އާޒިމާ ވިދާޅުވި. އަދި ސަރުކާރުން ގާނޫނުއަސާސީ ތަންފީޒު ކުރާނެ ކަމަށާއި، ދައުލަތުގެ ޒިންމާއަކީ ދައުލަތުގެ ހުރިހާ ބާރެއް ތަންފީޒު ކުރުން ކަމަށް ވިދާޅުވި.

"ގާނޫނުއަސާސީގައި ވަރަށް ސާފުކޮށް އެބައޮތް ކޯޓުތަކުން އަމުރުތައް ނުކުންނަން ޖެހޭނީ ކިހިނެތް ކަން." އާޒިމާ

މަޖީދީ މަގަށް އެއްވި މުޒާހަރާގެ ބައިވެރިން މިހާރު ވަނީ ފަހަތަށް ޖައްސަމުން އެކި ދިމަދިމާލަށް ބެހިފައި. އެއް ސަރަހައްދެއްގައި އެހާ ގިނަ މީހުން މިހާރު ހަރަކާތްތެރިއެއް ނުވޭ.

ރާއްޖެ ޓީވީގެ ޕްރޮގްރާމް ހެޑް، އާމިރު ސަލީމްވެސް ފުލުހުން ހައްޔަރުކޮށްފި.

ރާއްޖެ ޓީވީގެ ނޫސްވެރިޔާ މުހައްމަދު ވިސާމް ހައްޔަރުކޮށްފި.

އެއްވުމުގެ ބައިވެރިން މާވެޔޮ މަގާ ހަމައަށް ފަހަތަށް ޖައްސައިފި.

އެއްވުމުގެ ތެރެއިން ރާއްޖެ ޓީވީގެ ނޫސްވެރިޔާ އަހުމަދު ފަޒީން ހައްޔަރުކޮށްފި.

މުޒާހަރާގެ ބައިވެރިން ފަހަތަށް ޖައްސަން ފުލުހުން ދަނީ މަސައްކަތް ކުރަމުން.

ހުރިހާ އިލްމުވެރިން ތެދުވެ، މި ކުޑަ ގައުމުގެ އިސްލާމީ ވަހުދަތުގެ އަގު ހިފެހެއްޓުމަށް ރާއްޖޭގެ އިލްމުވެރިންނަށް މައުރޫފް ގޮވާލައްވައިފި.

ބޮޑު16 ގެ ދެވަނަ ރޭ ވެސް ކަމެއް ނުވެއްޖެނަމަ ދެން އެ ހަރަކާތްތައް ހުއްޓާލަން އިދިކޮޅު ފަރާތްތަކަށް ނިހާން ގޮވާލައްވައިފި.

މުޒާހަރާ ކުރާ ސަރަހައްދުން ގިނަ އަދަދެއްގެ ބަޔަކު ފުލުހުން ދަނީ ހައްޔަރުކުރަމުން. މިހާތަނަށް ހައްޔަރުކޮށްފައިވަނީ ކިތައް މީހުން ކަމެއް ސާފެއް ނުވޭ.

މުޒާހަރާކުރާ ސަރަހައްދު ދޫކޮށް ދިއުމަށް ފުލުހުން ދަނީ އިލްތިމާސްކުރަމުން. ފުލުހުން އަންގާފައިވަނީ މުޒާހަރާ ރޫޅާލާއިރު ވާ އެއްވެސް ގެއްލުމަކަށް ޒިންމާ ނުނަގާނެ ކަމަށް.

އިސްލާމީ މަރުކަޒު ކައިރީ ކުރީގެ ދިރާގު އިމާރާތުގައި ހަދާފައިވާ ޕާކިންގް ޒޯންގައި ޕާކު ކޮށްފައި އޮތް ކާރެއްގައި ރޯކޮށްލައިފި.

އެމްއެންޑީއެފުން ބުނީ މިރޭ 8:50 އެހާއިރު ދާރުލް އާސާރު ކައިރީ އޮތް ކާރެއްގައި ރޯކޮށްލައިގެން ފުލުހުންނަށް ރިޕޯޓު ކޮށްފައިވާ ކަމަށް. މިހާރު އަލިފާން ނިވާލާފައިވާ ކަމަށްވެސް އެމްއެންޑީއެފުން ވަނީ ބުނެފައި.

އިސްލާމީ މަރުކަޒު ކައިރީ އޮތް ކާރެއްގައި ރޯވެ އަނދަނީ --