04 Mar 2018, 18:01
ކުރިޔަށް އޮތް ދައުރަށް އެސްޓީއޯގެ ޑިރެކްޓަރުންގެ ބޯޑުގައި ޢާންމު ޙިއްޞާދާރުން ތަމްޞީލްކުރާނެ ޑިރެކްޓަރު ކަމަށް ނަން ހުށަހެޅުމުގެ ފުރުޞަތު އެސްޓީއޯއިން މިއަދު ހުޅުވާލައިފިއެވެ.
އެސްޓީއޯއިން ކޮށްފައިވާ އިއުލާނުގައި ބުނެފައިވަނީ ނަން ހުށަހެޅުމުގެ މުއްދަތު ހަމަވާނީ މި މަހުގެ 26 ވަނަ ދުވަހުގެ 16:00 ގައި ކަމަށެވެ.
އެސްޓީއޯގެ އިއުލާނުގައި ވާގޮތުން ޝަރުތުތައް ހަމަވާ ފަރާތްތަކުން ކުންފުނީގެ ޑިރެކްޓަރުކަމަށް އެދި ހުށަހަޅާފޯމް އަދި ރެކޯޑް ބަލާ ފޯމް ފުރިހަމަކުރުމަށްފަހު، ފޯމްތަކުގައި ބަޔާންކޮށްފައިވާ ފުރިހަމަ މަޢުލޫމާތާއެކު އެސްޓީއޯއަށް ހުށަހަޅަން ޖެހޭނެއެވެ.
އެސްޓީއޯގެ ޙިއްޞާ ބެހިފައިވާގޮތުން، ޢާންމު ޙިއްޞާދާރުންގެ ފަރާތުން އެސްޓީއޯގެ ބޯޑަށް ޢައްޔަންކުރެވެނީ 1 ޑިރެކްޓަރު އަދި ސަރުކާރުގެ ފަރާތުން 6 ޑިރެކްޓަރުންނެވެ.
ޢާންމު ޙިއްޞާދާރުން ތަމްޞީލްކުރާ ޑިރެކްޓަރުގެ ނަން ހުށަހެޅުމަށް ހުޅުވާލި ފުރުޞަތާއެކު ސަރުކާރުން ބޯޑަށް ޢައްޔަންކުރާ ޑިރެކްޓަރުންގެ ނަންތައްވެސް ހުށަހެޅުމަށް އެދި ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑަށް މިއަދު ސިޓީއެއް ފޮނުވިފައިވާކަމަށް އެސްޓީއޯގެ އިއުލާނުގައި ވެއެވެ.