02 Mar 2018, 11:14
ކުޅަދާނަ ބަތަލާ ޕަރިނީތި ޗޯޕްރާގެ އާ ފިލްމު "ކެސާރީ"ގެ ޝޫޓިންތައް ފަށައިފިއެވެ.
އަކްޝޭ ކުމާރު ފިރިހެން ލީޑުން ފެނިގެންދާ އެ ފިލްމުގެ ޕްރޮޑިއުސަރަކީ ކާމިޔާބު ޑައިރެކްޓަރު ކަރަން ޖޯހަރެވެ. އެ ފިލްމު ޑައިރެކްޓް ކުރަނީ އަނޫރާގް ސިންހް އެވެ.
ފިލްމުގެ މާބޮޑު މައުލޫމާތެއް މީޑިއާ އާ ހިއްސާކޮށްފައެއް ނުވެއެވެ. ލީޑް ތަރި އަކްޝޭ ބުނީ "ކެސާރީ"ގެ ސްކްރިޕްޓް އަކީ މޮޅު ސްކްރިޕްޓް އެއް ކަމަށާއި، އަހަރު ފެށިގެން މިދަނީ ކުޅެލަން ބޭނުންވާ ކަހަލަ ފިލްމަކުން ކަމަށެވެ.
ފިލްމުގެ ފިރިހެން ލީޑް ރޯލަކީ އަބަދުވެސް އެންމެ އިންތިޒާރު ކުރި އެއް ރޯލު ކަމަށް ވެސް އަކްޝޭ ބުންޏެވެ.
"ކެސާރީ" އަކީ މެދުކެނޑުމަކަށްފަހު އަކްޝޭ އަދި ޕަރިނީތި އެކުގައި ފެނިގެންދާ ފިލްމެކެވެ.
ފިލްމު ރިލީޒްކުރުމަށް ހަމަޖެހިފައިވަނީ އަންނަ އަހަރުގެ މާޗް މަހުގެ 22 ވަނަ ދުވަހުއެވެ.