27 Feb 2018, 12:11
ވޮޝިންގްޓަން (27 ފެބްރުއަރީ): އެމެރިކާގެ ރައީސް ޑޮނަލްޑް ޓްރަމްޕާ މެދު ކޮށްފައިވާ ޖިންސީ ގޯނާގެ ތުހުމަތުތައް އެމަނިކުފާނުގެ ދަރިކަނބަލުން އަދި ޓްރަމްޕްގެ ސީނީއާ އެޑްވައިޒަރު އިވާންކާ ޓްރަމްޕް ދޮގުކުރައްވައިފި އެވެ.
އެމެރިކާގެ ނިއުސް ޗެނަލެއް ކަމަށްވާ އެންބީސީ އަށް އިވާންކާ ދެއްވި އިންޓަވިއުއެއްގައިި ޓްރަމްޕާ މެދު ކޮށްފައިވާ ޖިންސާ ގޯނާތަކާ ބެހޭ ގޮތުން ސުވާލުކުރުމުން އިވާންކާ ވިދާޅުވީ އެއީ އަންހެން ކުއްޖަކަށް ބައްޕައާ ބެހޭ ގޮތުން ކުރަން އެއްގޮތަކަށް ވެސް އެކަށީގެންވާ ސުވާލެއް ނޫން ކަމަށެވެ.
"އަޅުގަނޑުގެ ބައްޕަ ވަރަށް ސާފުކޮށް ވިދާޅުވެފައި އެބައޮތް އެ ވާހަކަތަކުގައި އެއްވެސް ހަގީގަތެއް ނެތް ކަމަށް. އަޅަގަނޑު ބައްޕަ ވަރަށް ރަނގަޅަށް ދަންނަން. ބައްޕަ ވިދާޅުވީ ވާހަކަ އަޅުގަނޑު ގަބޫލުކުރަން. ދަރިއަކަށްވެ ހުރެ ބައްޕަ ދައްކާ ވާހަކަ ގަބޫލުކުރުމުގެ ހައްގު އަހަންނަށް ލިބިގެންވޭ،" އިވަންކާ ވިދާޅުވި އެވެ.
ޑޮނަލްޑް ޓްރަމްޕް ޖިންސީ ގޯނާ ކުރިކަމަށް 16 އަންހެނުން ވަނީ ބުނެފަ އެވެ.
އެމެރިކާގެ ރައީސްގެ އިތުރުން ޖިންސީ ގޯނާގެ ކުރުމުގެ މައްސަލަތައް މި ފަހަކަށް އައިސް އެމެރިކާގައި ވަނީ ހޫނުވެފަ އެވެ. އެގޮތުން ހޮލީވުޑްގެ ޕްރޮޑިޔުސަރެއް ކަމަށްވާ ހާވޭ ވައިންސްޓައިން ޖިންސީ ގޯނާ ކުރި ކަމަށް ބުނެ ހޮލީވުޑްގައި މަސައްކަތްކުރާ އެތަކެއް އަންހެނުންނެއް ވަނީ ބުނެފަ އެވެ.
ޖިންސީ ގޯނާކުރުމާ މެދު ހޭލުންތެރިކަން އިތުރުކުރުމަށް މަސައްކަތްކުރާ އެކްޓިވިސްޓުން ބުނީ ޖިންސީ ގޯނާގެ ޝިކާރައަކަށްވާ ގިނަ މީހުން އެ ވާހަކަ ދައްކަން ޖެހިލުނވާ ކަމަށެވެ.
މަސްދަރު : ޕްރެސްޓީވީ