ގޫތާގައި ހާލުގައި ޖެހިފައިވާ މުސްލިމުންނަށް އެހީވާން ރާއްޖޭގައި ފަންޑެއް ހުޅުވައިފި

26 Feb 2018, 12:46

ސީރިއާގެ ގޫތާގައި ހާލުގައި ޖެހިފައިވާ މުސްލިމުންނަށް، އެހީވުމަށް ރާއްޖޭގެ އެންޖީއޯއެއް ކަމަށްވާ އިންޓަނޭޝަނަލް އެއިޑް ކެމްޕޭން (އައިއޭސީ)އިން ރިލީފް ފަންޑެއް ހުޅުވައިފިއެވެ.

އިންޓަނޭޝަނަލް އެއިޑް ކެމްޕޭނުން ކޮންމެ އަހަރަކުވެސް އެކި އިވެންޓުތައް ބާއްވައި، ދުނިޔޭގެ އެކި ކަންކޮޅުތަކުގައި އެމަޖެންސީ ހާލަތްތަކުގައި ދިމާވާ ކަންކަމަށް ރިލީފް ކެމްޕޭނުތައް ހިންގައެވެ.

އައިއޭސީގެ މީޑިއާ ކޯޑިނޭޓަރު އާދަމް ނާއިފް "ސަން"އަށް ވިދާޅުވީ އެ އެންޖީއޯއިން މިހާރު ދަނީ ރާއްޖޭގެ އެހެނިހެން އެންޖީއޯތަކާ ގުޅިގެން، ގޫތާގައި ހާލުގައި ޖެހިފައިވާ ފަރާތްތަކަށް އެހީވުމަށް ރިލީފް ފަންޑުގެ ހަރަކާތްތައް ކުރިއަށް ގެންދަމުން ކަމަށެވެ.

ނާއިފް ވިދާޅުވީ މިއީ 15 ދުވަހަށް ކުރިއަށް ގެންދާ އެހީގެ ކެމްޕޭނެއް ކަމަށެވެ. މި ކެމްޕޭނުގެ ނަމަކީ "ގޫތާ އެމަޖެންސީ ރިލީފް"އެވެ.

ރިިލީފް ފަންޑުގައި އެހީތެރިވެދޭނީ ހަމައެކަނީ ފައިސާއިން ކަމަށާއި އަދި އެފައިސާތައް ހަވާލުކުރާނީ ސީރިއާގެ މުސްލިމުންނަށް އެހީ ފޯރުކޮށްދިނުމުގައި ހަރަކާތްތެރިވި ޖަމިއްޔާތަކަށް ކަމަށް ވެސް ނާއިފް ވިދާޅުވިއެވެ.

ސީރިއާގެ ގޫތާއަށް އެހީވުމުގެ ގޮތުން، އައިއޭސީން ވަނީ ބޭންކް އޮފް މޯލްޑިވްސްގައި އެކައުންޓެއް ހުޅުވާފައެވެ.

އެކައުންޓްގެ ނަން: އެހީ ޖަމިއްޔާ