Last Updated: 8 year 9 month ago
އޭއެފްސީ ކަޕް ޕްލޭ އޯފްގައި ރާއްޖޭގެ ޓީސީ ސްޕޯޓްސް ކްލަބާއި އިންޑިއާގެ ބެންގަލޫރު އެފްސީ ބައްދަލުކުރާ ފުރަތަމަ ލެގު މެޗުގެ ލައިވް ކަވަރޭޖަށް ސަންގެ ކިޔުންތެރީންނަށް މަރުހަބާ!
ގައުމީ ފުޓްބޯޅަ ދަނޑުގައި މިރޭ 9:00ގައި ކުޅޭ އެ މެޗަށް ޓީސީއާއި ބެންގަލޫރު ނުކުންނަ އިރު:
ޓީސީން ޕްލޭ އޯފްގެ ޖާގައެއް ހޯދީ އޭއެފްސީ ކަޕްގެ ޕްރިލިމިނަރީ ބުރުގައި ބަނގުލަދޭޝްގެ ސައިފް ސްޕޯޓިން ކްލަބުގެ މައްޗަށް ކުރި ހޯދައިގެން. ބަނގުލަދޭޝް އަދި ރާއްޖޭގައި ކުޅުނު މެޗުވެސް ޓީސީން ވަނީ ކާމިޔާބުކޮށްފައި.
- ބެންގަލޫރުން ޕްލޭ އޯފްގެ ޖާގައެއް ހޯދީ ޕްރިލިމިނަރީ ބުރުގައި ބޫޓާންގެ ޓްރާންސްޕޯޓް ޔުނައިޓެޑްގެ މައްޗަށް އެގްރިގޭޓުން ކުރި ހޯދައިގެން. ބޫޓާންގައި ކުޅުނު މެޗު ލަނޑެއް ނުޖެހި އެއްވަރުވެގެން ނިމުނު ނަމަވެސް، އިންޑިއާގައި ކުޅުނު މެޗު ބެންގަލޫރުން ވަނީ ކާމިޔާބުކޮށްފައި.
- ޕްލޭ އޯފްގެ ދެ ލެގަށްފަހު އެގްރިގޭޓުން ކުރި ހޯދާ ޓީމަކަށް އޭއެފްސީ ކަޕް ގްރޫޕް ސްޓޭޖުގެ ޖާގައެއް ލިބޭނެ. އެގްރިގޭޓުން ކުރި ހޯދާ ޓީމެއް ގްރޫޕް ސްޓޭޖުގައި ބައްދަލުކުރަން ޖެހޭނީ އިންޑިއާގެ އައިޒޯލްއާއި، ރާއްޖޭގެ ނިއު ރޭޑިއަންޓް ސްޕޯޓްސް ކްލަބު އަދި ބަނގުލަދޭޝްގެ ދާކާ އަބަހާނީއާ.
- ޓީސީއާއި ބެންގަލޫރު ބައްދަލުކުރާ ޕްލޭ އޯފްގެ ދެވަނަ ލެގު މެޗު ކުޅުމަށް ހަމަޖެހިފައިވަނީ މިމަހުގެ 20 ވަނަ ދުވަހު އިންޑިއާގައި.
ޓީސީއަށް ނަތީޖާ ހަމަހަމަކޮށްދިނީ އިބްރާހިމް މަހުދީ ހުސައިން (ފޭދޫ އިއްބެ). އޭނާ އެ ލަނޑު ކާމިޔާބުކުރީ ބެންގަލޫރުގެ ޑިފެންޑަރުން އަތުން އެނަޓޯލީ ހޯދި ބޯޅައަކުން. ބެންގަލޫރުގެ ޕެނަލްޓީ އޭރިއާ ތެރެއަށް ވަނުމަށްފަހު ފޭދޫ އިއްބެ ވަނީ ވަރަށް ރީތިކޮށް ގޯލުގެ ތެރެއަށް ބޯޅަ ފޮނުވާލާފައި.
'67- ބެންގަލޫރުގެ ފަހު ބަދަލު. ކުޅެން ނުކުތީ ލާލްލިމްޕުއާ ޑެނިއަލް.
'62- ސާމިރުގެ ނަގައިދިން ހުރަސް، ބެންގަލޫރުގެ ޕެނަލްޓީ އޭރިއާ ތެރެއިން ސައްޓުއަށް ރަނގަޅަށް ކޮންޓްރޯލެއް ނުކުރެވުނު.
ޓީސީގެ އަހްމަދު އާރިފް (އާރީ) ކުޅެން ނުކުތުމަށް ދަނީ ވޯމްއަޕް ކުރަމުން. ޕްރިލިމިނަރީ ބުރުގައި ބަނގުލަދޭޝްގެ ސައިފް ސްޕޯޓިން ކްލަބާ ދެކޮޅަށް ކުޅުނު ދެވަނަ ލެގު މެޗުގައިވެސް ބަދަލު ކުޅުންތެރިއެއްގެ ގޮތުގައި ނުކުމެ، އާރީ ވަނީ ވަރަށް ރަނގަޅު ކުޅުމެއް ދައްކާފައި. މިދިޔަ ސީޒަނުގެ ދިވެހި ޕްރިމިއާ ލީގުގައި އާރީ ފެނިގެންދިޔައީ އއ. މާޅޮސް ޓީމުން.
ދަނޑުގެ ސަލާމަތީ ކަންކަން ވަރަށް ވަރުގަދަ ކޮށްފައިވާކަން ފާހަގަކޮށްލެވޭ.
އެންޓޯނިއޯ ޑޮވާލޭ ނަގައިދިން ކޯނަރަކުން ބެންގަލޫރަށް އެ ލަނޑު ކާމިޔާބުކޮށްދިނީ ހައޮކިޕް ތަންގްކޮސިއެމް. އެ ބޯޅަ ދިފާއުކުރުމަށް ޕެނަލްޓީ އޭރިއާ ތެރެއިން ޓީސީގެ އެނަޓޯލީ މަސައްކަތްކުރި. ތަންގްކޮސިއެމް އެ ލަނޑު ކާމިޔާބުކުރީ ޓީސީގެ ޕެނަލްޓީ އޭރިއާ ތެރޭ ހުރެ، ބޮލުން ފޮނުވާލި ހަމަލާއަކުން. ޓީސީގެ ޑިފެންޑަރުންނަށް އޭނާ އެންމެ ރަނގަޅަށް މާކު ކުރެވިފައެއް ނުވޭ.
"47- ޓީސީއަށް ބެންގަލޫރު ހާފްގެ މެދެއްހާ ހިސާބުން ހިލޭ ޖެހުމެއް.
ފުރަތަމަ ހާފުގެ އިތުރު ވަގުތުގެ ގޮތުގައި ދެ މިނެޓުގެ ކުޅުން ދައްކައިފި.
'41-ސައްޓުގެ ހަމަލާއެއް.ބެންގަލޫރުގެ ކީޕަރު ކުރިއަށް ނުކުމެ ހުރުމާއެކު، ޕެނަލްޓީ އޭރިއާ ބޭރުން ސައްޓު ފޮނުވާލި ހަމަލާ ދިޔައީ ގޯލުގެ ހުރަސްދަނޑި މަތިން ބޭރަށް.
'36- ބެންގަލޫރުގެ ޕެނަލްޓީ އޭރިއާ ބޭރުން ސައްޓު ފޮނުވާލި ހަމަލާ، ޑިފެންޑަރެއް ގައިގައި ޖެހި ބްލޮކްވުމުން، ބެންގަލޫރުގެ ކީޕަރު ވަނީ އެ ބޯޅަ ހޯދާފައި.
ބެންގަލޫރުން ކުޅެނީ ވަރަށް ބޮޑަށް ޑިފެންސަށް ވިސްނައިގެން. އެޓޭކުތަކުގައިވެސް އެޓީމުން ބޭނުންކުރަމުންދަނީ މަދު ކުޅުންތެރިންތަކެއް.
މިމެޗަށް ޓީސީން ނެރުނު ފުރަތަމަ 11އަކީ ކުރިން ޕްރިލިމިނަރީ ބުރުގައި ބަނގުލަދޭޝްގެ ސައިފް ސްޕޯޓިން ކްލަބާ ދެކޮޅަށް ކުޅުނު ދެވަނަ ލެގު މެޗުގައިވެސް ނެރުނު ފުރަތަަމަ 11.