މުއައްސަސާތަކުގެ ބާރު ކަނޑުވާނުލާން ރައީސް އުއްތަމަ ފަނޑިޔާރުގެ ކިބައިން އެދިވަޑައިގެންފި

05 Feb 2018, 15:23

އެހެން މުއައްސަސާތަކުގެ ބާރުތައް ނުގެއްލޭ ގޮތަށް އަމަލު ކުރުމަށް އެދި ރައީސް އަބްދުﷲ ޔާމީންގެ ސިޓީއެއް އުއްތަމަ ފަނޑިޔާރު އަބްދުﷲ ސައީދުއަށް ފޮނުއްވައިފި އެވެ.

ރައީސްގެ ސިޓީގައި ވިދާޅުވެފައި ވަނީ ސުޕްރީމް ކޯޓުން ކަނޑައަޅުއްވާފައިވާ ކޯޓުގެ ހުރުމަތް ރައްކާތެރިކުރުމުގެ ގާނޫނު ބޭނުން ކުރައްވައިގެން ދައުލަތުގެ މުއައްސަސާތަކުގެ ހިންގުމަށް ހުރަސް އަޅާނަމަ މުއައްސަސާތައް ހިންގުމަށް ދަތިވެ މުވައްޒަފުންގެ ހައްގުތަކަށް ބުރޫ އަރާނެ ކަމަށެވެ.

"އަދި މިކަންކަން މިހެން ހިނގަމުން ދާނަމަ ދިވެހި ދައުލަތުގެ ހިންގުމުގެ ބާރުތައް މަސްހުނިވެ. ގާނޫނު އަސާސީން ކަނޑައަޅާފައިވާ އިންތައް ގެއްލި ގާނޫނު އަސާސީގެ ބޭނުން އިސާހިތަކު ކެނޑިގެން ހިނގައިދާނެ،" ރައީސް ފޮނުއްވި ސިޓީގައި ވިދާޅުވެފައިވެ އެވެ.

އަދި ސުޕްރީމް ކޯޓާއި ކޯޓުގެ ފަނޑިޔާރުންނަށް ލިދީފައިވާ ބާރުތައް އެހެން މުއައްސަސާތަކުގެ މުވައްޒަފުންގެ ބާރުތައް ގެއްލޭ ގޮތަށް ބޭނުން ނުކުރުމަށް ރައީސް ވަނީ ސިޓީގައި އެދިވަޑައިގެންފަ އެވެ.