04 Feb 2018, 21:55
ބަންޑާރަ ނައިބު ހައްޔަރުގައި ބަހައްޓައިގެން ސުޕްރީމް ކޯޓަށް ހާޒިރުކުރުމަށް އަމުރުކޮށް ނެރެފައިވާ ކަމަށް ބުނެ، މިހާރު ސޯޝަލް މީޑިއާގައި ދައުރުވަމުން ދަނީ ސައްހަ ނޫން ކޯޓު އަމުރެއް ކަމަށް ޑިޕާޓްމެންޓް އޮފް ޖުޑިޝަލް އެޑްމިނިސްޓްރޭޝަނުން ބުނެފިއެވެ.
ސޯޝަލް މީޑިއާގައި ދައުރުވަމުންދާ އަމުރުގައި ބުނެފައިވަނީ ބަންޑާރަ ނައިބު މުހައްމަދު އަނިލް ބަންދުގައި ބަހައްޓައިގެން މާދަމާ ކޯޓަށް ހާޒިރު ކުރުމަށެވެ.
ޑީޖޭއޭއިން 'ސަން' އަށް ބުނީ އެއީ ސައްހަ އަމުރެއް ނޫން ކަމަށެވެ.
އަދި ސުޕްރީމް ކޯޓުގެ އަމުރު އެ ކޯޓުގެ ވެބްސައިޓް އަދި ޖުޑިޝަރީގެ ވެބްސައިޓުން ފެންނާނެ ކަމަށް ބުންޏެވެ.
ޑީޖޭއޭގެ ރަސްމީ ޓްވިޓާ އެކައުންޓުންވެސް ވަނީ އެ އަމުރު ސައްހަ ނޫން ކަމަށް ބުނެ ޓްވީޓެއް ކޮށްފައެވެ.