02 Feb 2018, 13:40
ރާއްޖޭގެ އެންމެ ފުރަތަމަ ފްރެންޗައިޒް ޝޯ މޯލްޑިވިއަން އައިޑަލް ސީޒަން ތިނެއްގެ ޕްރިމިއާ ޝޯވް، މިހާރު ރާއްޖޭގެ ސިޔާސީ މަސްރަހު ހަލަބޮލިވެފައިވުމާ ގުޅިގެން ފަސްކޮށްފިއެވެ.
ކުރިން އައިޑަލްގެ ތިންވަނަ ސީޒަން ޕްރިމިއަރ ކުރުން ތާވަލުކޮށްފައި ވަނީ މިރޭ 22:30އަށެވެ.
ޝޯވް ބާއްވާނެ ތާރީހެއް އަދި އިއުލާންކޮށްފައިނުވި ނަމަވެސް ޕީއެސްއެމް އިން ވަނީ ޝޯވް ފެށުމަށް ވަރަށް ފުރިހަމައަށް ތައްޔާރުވެސް ވެފައެވެ.
މިފަހަރުގެ ސީޒަންގެ ފިރިހެން ހޯސްޓަކީ ވޭތުވެދިޔަ ދެ ސީޒަނުގައި ވެސް ޝޯވް ހޯސްޓް ކުރި އެންމެންގެ އެކުވެރި މޫސާ ވަސީމެވެ. އަންހެން ހޯސްޓަކީ އާ މޫނެކެވެ. މި ސީޒަންގައި އަންހެން ހޯސްޓެއްގެ ގޮތުގައި ފެނިގެންދާނީ ރާއްޖެ އެފްއެމްގެ އާރްޖޭ ޝައިނާ ޝަރީފެވެ.
ފަނޑިޔާރުންގެ ގޮތުގައި ފެނިގެންދާނީ ސީޒަން އެކެއް އަދި ދޭއްގައި ވެސް ފަނޑިޔާރުކަން ކުރި މަރިޔަމް އުނޫޝާ (ކިޑީ) އާއި ސީޒަން އެކެއްގެ ޖަޖް އަހުމަދު އިބްރާހިމް (އައްމަޑޭ) އާއި ސީޒަން ދޭކުން ބެލުންތެރިންގެ ލޯބި ހޯދި އިސްމާއިލް އައްފާން އަދި މުޅިން އަލަށް މި ޕެނަލް އާ ގުޅުނު ޒާރާ މުޖުތަބާއެވެ.