31 Jan 2018, 10:07
މަޝްހޫރު އެމެރިކަން މޮޑެލް ކައިލީ ޖެނާ ވިހަން ހަތަރު ހަފްތާ ވެސް ނެތް ކަމަށް ރިޕޯޓުތައް ބުނެފިއެވެ.
ރިޕޯޓުތައް ބުނާ ގޮތުން ކައިލީ އަންނަ މަހު ވިހާނެއެވެ. ނަމަވެސް އޭނާ ހުރީ ވިހަން ވަރަށް ބޮޑަށް ބިރުގަނެފައި ކަމަށް ބުނެއެވެ.
"ކައިލީ ވެސް ގަބޫލު ކުރޭ ދަރިއަކު ހޯދަން އަދި މާ އަވަސް ކަމަށް. އޭނާ ހުރީ ވެސް ވަރަށް ބިރުން. ބޭނުންވަނީ ވިހެއުމުގެ ކަންތައް ފަސޭހަކޮށް ނިމުމަށް،" ކައިލީ އާ ގާތް މީހަކު ބުންޏެވެ.
ކާޑޭޝިއަން އާއިލާގެ އެންމެ ހަގު، އުމުރުން 20 އަހަރުގެ ކައިލީ ބަނޑުބޮޑުވެފައިވަނީ މަޝްހޫރު ރެޕާ ޓްރާވިއާ ސްކޮޓްގެ ދަރިއަކަށެވެ.
ވިހެއުމުގެ އެންމެ ފަހުގެ ތައްޔާރީތައް ވަމުންދާ ކަމަށާއި ދަރިފުޅަށް ބޭނުންވާ ހުރިހާ ތަކެތި ހަމަކޮށްފައިވާކަމަށް ވެސް ކައިލީއާ ހަވާލާދީ ރިޕޯޓުތައް ބުނެއެވެ.
ދާދި ފަހުން ކައިލީގެ ދައްތަ ކިމްވެސް ވަނީ ވިހާފައެވެ.
މައުލޫމާތު: ޑެއިލީމިރަރ