އައްޑޫ ސިޓީ ފޭދޫ ކައިރީގައި އޮތް ސަފާރީއެއްގައި އަލިފާން ރޯވެއްޖެ އެވެ.
ހޮނިހިރު ދުވަހު އެމްއެންޑީއެފުން ބުނީ، އައްޑޫ ސިޓީ ފޭދޫ ބަނދަރުން ބޭރުގައި އަޅާފައި އޮތް ޑައިވިންގ ސަފާރީއެއްގައި އަލިފާން ރޯވެގެން ސަދަން އޭރިއާ ކޮމާންޑް ފަޔަރ ސްޓޭޝަން އިން ހަރަކާތްތެރިވަމުންދާ ކަމަށެވެ.
އާއްމުވެފައިވާ ފޮޓޯ، ވީޑިއޯއިން ފެންނަ ގޮތުގައި މުޅި ސަފަރީގައި އަލިފާން ރޯވެ ދަނީ އަނދަމުންނެވެ. މުޅި ސަރަހައްދަށް ވަނީ ކަޅު ދުންގަނޑެއް ފެތުރިފަ އެވެ.
މި ޙާދިސާ ހިނގައިގެން އުޅޭ، މި ސަފާރީގައި ތިބީ ކިތައް މީހުން ކަމެއް އަދި ސާފެއް ނުވެ އެވެ.
އެމްއެންޑީއެފުން ބުނީ، މައުލޫމާތު ލިބެމުންދާ ވަރަކަށް އާއްމު ކުރާނެ ކަަމަށެވެ.