ރައްޔިތުންނަށް ތަރައްޤީ ހޯދައިދިނުމަށް އުޅޭ ބަޔަކީ އަބަދުވެސް އެމްޑީޕީގެ މެންބަރުން ކަމަށް އެމްޑީޕީގެ ޕާލަމެންޓްރީ ގްރޫޕް ލީޑަރު އިބްރާހިމް ނާޒިލް ވިދާޅުވެއްޖެ އެވެ.
ހެންވޭރު ހުޅަނގު ދާއިރާގެ ކެމްޕޭން ހަރަކާތުގައި ވާހަކަދައްކަވަމުން ނާޒިލް ވިދާޅުވީ ކުރިއަށް އޮތް ލޯކަލް ކައުންސިލް އިންތިޚާބުގައި މާލޭ މޭޔަރުކަމާއި ވިމެންސް ޑިވެލޮޕްމަންޓް ކޮމިޓީގެ ރައީސްކަމާއި މާލޭގެ ހުރިހާ ގޮނޑިތަކާއި މުޅި ރާއްޖޭގެ ހުރިހާ ގޮނޑިތައް އެމްޑީޕީއަށް ވަރަށް މުހިންމު ކަމަށެވެ. މި ހަޤީޤަތް މިހާރު ދިވެހި ރައްޔިތުންނަށް ވަރަށް ސާފުކޮށް އެނގިފައިވާ ކަމަށް ނާޒިލް ވިދާޅުވި އެވެ.
ތިލަފަތަށް ވޯޓުދިނުމަށް ރައްޔިތުންނަށް ގޮވާލަމުން ނާޒިލް ވިދާޅުވީ ތިލަފަތުގެ އަހުލުވެރިންނަކީ، އަބަދުވެސް ރައްޔިތުންނާ އެކީގައި މަސައްކަތްކުރާ ބަޔަކެވެ. ރައްޔިތުންނަށް ތަރައްޤީ ހޯދައިދިނުމަށް އުޅޭ ބަޔަކީ އަބަދުވެސް އެމްޑީޕީގެ މެންބަރުން ކަމަށާއި އެހެންކަމުން ތިލަފަތަށް ވޯޓުދިނުމަށް އެމަނިކުފާނު ގޮވާލެއްވި އެވެ.
ތިބޭފުޅުންނަށް ވަރަށް ސާފުކޮށް އެނގިވަޑައިގަންނަވާނެ، މާލެއަށް އޭރު ކަމަށް އާދަމް އާޒިމް ޙަވާލުވުމަށްފަހު، މާލެއަށް މި ގެނެވުނު ބޮޑު ބަދަލު. ކުޑަ ދުވަސްކޮޅެއްގެ ތެރޭގައި މި ގެނެވުނު ބަދަލަކީ އަޅުގަނޑުމެން އެންމެން ފަޚުރުވެރިވާ އަޅުގަނޑުމެންގެ ކެޕިޓަލް ސިޓީ، މާލޭގައި މިހާރު ފެންނަމުންދާ ތަރައްޤީ ޙަޤީޤަތުގައި މާލެއަށް އަންނަ ކުރިއެރުން، މާލޭގެ ރައްޔިތުން ބޭނުންވެފައި ހުރި ކަންތައްތަކަށް އަޅުގަނޑުމެންގެ މޭޔަރާ އެކީގައި އަޅުގަނޑުމެން މި ފަށައިގެން މަސައްކަތް ޙަޤީޤަތުގައި އަޅުގަނޑުމެން އެބަޖެހޭ ކުރިއަށް ގެންދަން. އަޅުގަނޑުމެންނަށް އެ އިތުބާރު އެބައޮތް. އެ ޔަޤީންކަން އެބައޮތް. އެކަން ކުރާނެކަމުގެ ފުރިހަމަ ޔަޤީންކަން އެބައޮތް.އެމްޑީޕީގެ ޕާލަމެންޓްރީ ގްރޫޕް ލީޑަރު އިބްރާހިމް ނާޒިލް
ނާޒިލް ވިދާޅުވީ ކުރިއަށް އޮތް ކައުންސިލް އިންތިޚާބުގައި އެމްޑީޕީގެ ހުރިހާ ކެންޑިޑޭޓުންނާ އެކީގައި ޚާއްޞަކޮށް މާލެއާއި ރާއްޖޭގެ ހުރިހާ ކަންކޮޅުތަކުގައި ތިއްބެވި އެމްޑީޕީގެ މެންބަރުން ހޮވުމުން، އެންމެހައި ރައްޔިތުންނަށް ރަނގަޅު ގޮތްތަކެއް މެދުވެރިވާނެ ކަމަށް ވިދާޅުވި އެވެ.
އެމްޑީޕީގެ މެންބަރުން އެ މަސައްކަތްތަކުގައި މަސައްކަތްކުރާނެ ކަމުގެ ފުރިހަމަ ޔަޤީންކަން އެބައޮތް ކަމަށް ނާޒިލް ވިދާޅުވި އެވެ.
ނާޒިލް ވިދާޅުވީ ފެންނަ ނުފެންނަ ވޯޓުގައި ހަޤީޤަތަކީ ރައްޔިތުންގެ ގާތަށް ނުދިއުން ކަމަށެވެ. އެމްޑީޕީއަށް އެހެން ގޮތެއް ނެތް ކަމަށާއި އިންތިޚާބުތައް އެކޮށްލައިގެން އެކަނި ކަމަށް އެމަނިކުފާނު ވިދާޅުވި އެވެ. އިންތިޚާބުތައް ބޭއްވުމުން ރައްޔިތުންނާ ހިސާބަށް ވެރިން ދާންޖެހޭ މިންވަރު ކުޑަވެގެން ދާ ކަމަށް ނާޒިލް ފާހަގަކުރެއްވި އެވެ. ރައްޔިތުންނާ ހިސާބަށް ވެރިން ދިއުމުން ރައްޔިތުންނަށް ތަރައްޤީ ލިބޭނެ ކަމަށާއި މިއީ ފެންނަ ނުފެންނަ ވޯޓުގައި ނޫން ކަމަށް ބުނަން ޖެހޭ ސަބަބު ކަމަށް ނާޒިލް ވިދާޅުވި އެވެ.