މެދުއިރުމަތީގެ ހަމަނުޖެހުމާއި ގުޅިގެން މަހެއްގެ މައްޗަށް އަންނަ ފަތުރުވެރިންގެ 30 އިންސައްތަ މަދުވާނެ ކަމަށް ރައީސް ޑރ. މުހައްމަދު މުއިއްޒުގެ ފަތުރުވެރިކަމާއި ތިމާވެށްޓާ ބެހޭ މިނިސްޓަރު ތޯރިގް އިބްރާހިމް ވިދާޅުވެއްޖެ އެވެ.
އާދިއްތަ ދުވަހު ރައީސް އޮފީހުން ބޭއްވި ނޫސްވެރިންގެ ބައްދަލުވުމެއްގައި މެދުއިރުމަތީގައި ހިނގަމުންދާ ހަމަނުޖެހުންތަކާއި ގުޅިގެން ފަތުރުވެރިކަމަށް ކުރާނެ އަސަރުތަކާ ގުޅޭގޮތުން ސުވާލު ކުރުމުން މިނިސްޓަރު ތޯރިގު ވިދާޅުވީ މެދުއިރުމަތީގެ މަސްރަހު ނުތަނަވަސްވެ ހިނގަމުންދާ ހަނގުރާމައިގެ ސަބަބުން ރާއްޖޭގެ ފަތުރުވެރިކަމަށް އޭގެ ނޭދެވޭ އަސަރުކޮށް، ދައުލަތަށް ލިބޭ އާމްދަނީ ދަށްވެދާނެތީ އެކަން ހައްލުކުރުމަށް ސަރުކާރުން މަސައްކަތް ފަށާފައިވާ ކަމަށެވެ. މިނިސްޓަރ ވިދާޅުވީ، މަސްރަހަށް އައި ބަދަލުތަކާ ގުޅިގެން ރާއްޖެއަށް އަންނަ ފަތުރުވެރިންގެ އަދަދު ކުރިއަށް އޮތް ދުވަސްތަކުގައި ދަށްވުމުގެ ފުރުސަތު އެބައޮތް ކަމަށެވެ.
މިނިސްޓަރ ތޯރިގް ފާހަގަކުރެއްވި ގޮތުގައި، ނިމިދިޔަ ފެބްރުއަރީ މަހުގެ ތަފާސްހިސާބުތަކަށް ބަލާއިރު ރާއްޖެއަށް ދުވާލެއްގެ މައްޗަށް އެވްރެޖްކޮށް 8،800 ފަތުރުވެރިން ޒިޔާރަތްކޮށްފައިވެ އެވެ. މީގެ ތެރެއިން 30 އިންސައްތައާއި 35 އިންސައްތައާ ދެމެދުގެ އަދަދަކަށް ފަތުރުވެރިން ރާއްޖެ އަންނަނީ މެދުއިރުމަތީގެ އެކި އެއާލައިންތަކުގަ އެވެ. އެހެންކަމުން އެ ސަރަހައްދުގެ މަސްރަހު ގޯސްވުމަކީ ރާއްޖެއަށް އަންނަ ފަތުރުވެރިންގެ އަދަދަށް ބޮޑު ބަދަލެއް އަތުވެދާނެ ކަމެއްކަން ވަޒީރު ފާހަގަކުރެއްވި އެވެ.
ދެން ރާއްޖެ އަންނަ މީހުން ދެން ބަލާނީ ކޮންމެވެސް އެހެން ރޫޓަކުން އާދެވޭތޯ. އެހެންވީމާ، އަޅުގަނޑުމެން މި ބަލަނީ ރާއްޖެ އަންނަ ފަތުރުވެރިން އަދި މި ދުވަސްކޮޅު މި ދެތިން ދުވަހު ހަމަ ވަރަށް ބޮޑަށް އިފެކްޓްކުރާނެ. އެހެންނަމަވެސް އެ ދެން ހަމަ އެއީ ރާއްޖެ އަށް ވަންނަ އާމްދަނީ ހަމަ ދަށްވެގެންދާނެ. އެހެންނަމަވެސް އަޅުގަނޑުމެން މި ބަލަނީ ކޮބައިތޯ އިތުރު އޮޕްޝަންތަކަކީ ރާއްޖެއަށް ފަތުރުވެރިން ގެނައުމުގެ އޮޕްޝަންތަކަކީ ކޮބައިތޯ އަދި އިތުރު މާކެޓްތަކަކީ ކޮބައިތޯ ބަލައި، މި އަންނަ ހީނަރުކަން ވީހާވެސް ބޮޑަށް ކުޑަކުރެވޭތޯ ބަލަމުން މި ދަނީ އެހެންވީމަ އެ މަސައްކަތް އަޅުގަނޑުމެން މިއަދު އަދި އިއްޔެ މި މަސައްކަތް މި ދަނީ މި އިޝޫ މި ދިމާވި އެންމެ މިއަދުން މިހާރުވެސް އަޅުގަނޑުމެން މި ދަނީ އެ މަސައްކަތް ކުރަމުން. ފަތުރުވެރިން މަދުވާ އަދަދު ސީދާ ބަލާ ކަމަށް ވަންޏާމު މިހާރު އެއީ މިދިޔަ މިދިޔަ މަހުގެ އެވަރޭޖްއަކީ 8800 އޭގެ 30 ޕަސެންޓް އެވަރު މި ދަންނަވަނީ މީ ވަގުތުން އެ މަދުވުމެއް ނޫން އެ އިފެކްޓްކުވެގެން ދާނެ އެވަރު އެކަމަކު އެއަށް އަޅުގަނޑުމެން ދެން އިތުރު ގޮތްތައް ހޯދަނީ ދެންފަތުރުވެރިކަމާއި ތިމާވެށްޓާ ބެހޭ މިނިސްޓަރު ތޯރިގް އިބްރާހިމް
މިނިސްޓަރ ވިދާޅުވީ މަސްރަހަށް އައި ބަދަލާއެކު ދަތުރުތަކަށް ބުރޫއެރުމުގެ ސަބަބުން ވެލާނާ އިންޓަނޭޝަނަލް އެއާޕޯޓުގައި ތިބި ފަތުރުވެރިންނަށް އެހީތެރިކަން ފޯރުކޮށްދިނުމުގެ މަސައްކަތް ވެސް ސަރުކާރުން ދަނީ ކުރަމުންނެވެ. އެގޮތުން އެއާޕޯޓުގައި މަޑުކުރަންޖެހިފައިވާ ފަތުރުވެރިންނަށް ބޭނުންވާ ފެނާއި، ވައިފައިގެ ހިދުމަތާއި އެހެނިހެން ޒަރޫރީ ވަސީލަތްތައް ފޯރުކޮށްދެމުންދާ ކަމަށް މިނިސްޓަރ ވިދާޅުވި އެވެ. މީގެ އިތުރުން ބައެއް ފަތުރުވެރިން އެހެން ރޫޓުތަކުން ދަތުރުކުރުމަށް ޓިކެޓް ބަދަލުކުރަމުންދާއިރު، އަނެއްބައި ފަތުރުވެރިން އެނބުރި ރިސޯޓުތަކަށް ނުވަތަ މާލޭގެ ހޮޓާތަކަށް ބަދަލުވަމުންދާ ކަމަށްވެސް ފާހަގަކުރެއްވި އެވެ.
ސަރުކާރުން ސީދާ ފަތުރުވެރިންނަށް ޓިކެޓް ނަގައިދިނުމާއި ހޮޓާ ހަމަޖައްސައިދިނުން ފަދަ ކަންކަން ނުކުރި ނަމަވެސް، އެއާލައިންތަކާ ގުޅިގެން ފަތުރުވެރިންނަށް ބޭނުންވާ ފެސިލިޓީތައް ފޯރުކޮށްދިނުމުގައި އެހީތެރިވަމުންދާ ކަމަށް މިނިސްޓަރ ވިދާޅުވި އެވެ. ހާއްސަކޮށް ފްލައިޓްތައް ލަސްވުމުގެ ސަބަބުން ދިމާވާ ދަތިތައް ހައްލުކުރުމަށް އެއާލައިންތަކާއެކު ގާތުން މަސައްކަތް ކުރަމުންދާ ކަމުގެ ޔަގީންކަން ވަޒީރު ތޯރިގް ވަނީ ދެއްވާފަ އެވެ.