ށ. ފޯކައިދޫގެ ތަރައްގީއަށްޓަކައި ރައީސް އިބްރާހިމް މުހައްމަދު ސޯލިޙް ކޮށްދެއްވި ކަންކަން ފާހަގަކޮށް އެމަނިކުފާނުގެ އަގު ވަޒަންކުރުމުގެ ގޮތުން ހަނދާނީ ފިލައެއް އަރުވައިފި އެވެ.
"ހޭވައްލާ ތައްޔާރު ނޫ ބަހާރަކަށް ށް. ފޯކައިދޫ" ޖަލްސާގައި ރައީސް އިބްރާހިމް މުހައްމަދު ސޯލިޙް އަށް ހަނދާނީ ފިލާ އެރުވީ ފޯކައިދޫ ކައުންސިލްގެ ރައީސް އަހުމަދު އާސިފު އެވެ. ރައީސް ސޯލިޙް އަށް މި ހަނދާނީ ފިލާ އެރުވީ ފޯކައިދޫ އެމްޑީޕީގެ ފަރާތުން ފޯކައިދޫއަށް ގެނެސްދީފައިވާ ތަރައްގީ އަށްޓަކައި އެކަން ފާހަގަ ކުރުމުގެ ގޮތުންނެވެ.
ރައީސް އިބްރާހިމް މުހައްމަދު ސޯލިޙްގެ ވެރިކަމުގައި ފޯކައިދޫގައި ޒަމާނީ ބަނދަރެއް ތަރައްގީކޮށްފައިވާ އިރު، ރަށުގައި ފެނާ ނަރުދަމާ ނިޒާމު ވަނީ ގާއިމްކޮށްފަ އެވެ. މީގެ އިތުރުން ރަށުގެ މެދުގައި ހުރި ބައު އިންޖީނުގެ ރަށުގެ މީހުން ނޫޅޭ ސަރަހައްދަށް ބަދަލުކޮށް، ފެނަކަ އައު އޮފީހާއި އިންޖީނުގެ އިމާރާތްކޮށްދެއްވާ ހިދުމަތް ދޭން ފެށި އެވެ. މީގެ އިތުރުން ކޮމިއުނިޓީ ސެންޓަރާއި، ސްކޫލް ކްލާސްރޫމް އަދި މަލްޓި ޕަރޕޯސް ހޯލާއި، ސިއްހީ މަރުކަޒުގެ އެކްސްޓެންޝަން އިމާރާތް ވެސް ރައީސް ސޯލިޙްގެ ސަރުކާރުގައި ފޯކައިދޫގައި ތަރައްގީ ކުރި އެވެ.
ރައީސް ފޯކައިދޫ ކުރައްވާ ދަތުރުފުޅަކީ އެރަށު ކައުންސިލްގެ ދައުވަތަކަށް ކައުންސިލުން ގާއިމް ކުރި އައުޓްޑޯ ވޮލީކޯޓު ހުޅުވުމަށް ވަޑައިގެންނެވި ދަތުރުފުޅެކެވެ. މި ދަތުރުފުޅުގައި އެމްޑީޕީ ނޫ ބަހާރު ޖަގަހަ ހުޅުވައިދެއްވާ އެމްޑީޕީގެ މެންބަރުންނާއި އެމަނިކުފާނު ބައްދަލުކުރެއްވި އެވެ.