ކ.ގުޅީފަޅު ކައިރިން 9 ފަތުރުވެރިންނާއެކު ދަތުރުކުރަމުންދިޔަ ލޯންޗެއް ބަންޑުން ޖަހާލައިފި އެވެ.
ބުރާސްފަތި ދުވަހު އެމްއެންޑީއެފުން ބުނީ، ގުޅީފަޅު ކައިރިން ދަތުރުކުރަމުންދަނިކޮށް ބަންޑުންޖަހާލި ލޯންޗެއްގައި ތިބި ބަޔަކަށް އެމްއެންޑީއެފް މާލޭ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންއިން އެހީތެރިކަން ފޯރުކޮށް ދީފައިވާ ކަަމަށެވެ.
"ބުލެޓް ސްޕީޑް" ނަމަކަށް ކިޔާ މި ލޯންޗުން ދަތުރުކުރަމުން ދިޔަ 9 ފަތުރުވެރީންނާއި، 2 ފަޅުވެރީންނާއި، ލޯންޗުގެ ކެޕްޓަން ކަނޑުވެފައި ތިއްބައި ފުރަތަމަ ނަގާފައިވަނީ، އެ ސަރަހައްދުން ދަތުރުކުރަމުންދިޔަ "ބީޗް ސްޓޯން" ނަމަކަށް ކިޔާ ލޯންޗަކަށެވެ.
އޭގެފަހުން ސީނަށް އެޓެންޑްވި އެމްއެންޑީއެފް މާލޭ އޭރިއާ ކޮމާންޑް، ކޯސްޓްގާޑް ސެކަންޑް ސްކޮޑްރަންގެ ހާބަރކްރާފްޓަށް އެ މީހުން ބަދަލުކޮށް، ބުރާސްފަތި ދުވަހުގެ 09:40 ހާއިރު އެންމެން ސަލާމަތްތެރިކަމާ އެކު މާލެ ގެނެސްދީފައިވާ ކަމަށް އެންއެންޑީއެފުން ބުންޏެވެ.
އެމްއެންޑީއެފުން ބުނީ، މި ހާދިސާގައި ކަނޑުވި އެއްވެސް މީހަކަށް ސީރިއަސް އަނިޔާއެއް ލިބިނުކަމުގެ މައުލޫމާތު ލިބިފައިނުވާ ކަމަށެވެ.