ޓެކުހުގެ ބަޔާން ހުށަނާޅާ އަދި ފައިސާ ނުދައްކާ ފަރާތްތަކުގެ ނަން ހާމަކުރުމުގެ އުސޫލުގެ ދަށުން 2024 ވަނަ އަހަރުގެ އާމްދަނީން ޓެކުހުގެ ގޮތުގައި ދައްކަން ޖެހޭ ފައިސާ ނުދައްކާ 25 ފަރާތެއްގެ ނަން މީރާއިން އާންމުކޮށްފި އެވެ.
މީރާއިން ބުނީ އެ ފަރާތްތަކަކީ އާމްދަނީން ޓެކުހުގެ ގޮތުގައި ނުދައްކާ އަދަދު 100،000ރ. އަށް ވުރެ އިތުރުވެފައިވާ 25 ފަރާތް ކަމަށެވެ. އަދި ޓެކުހުގެ ބަޔާން ހުށަނާޅާ އަދި ފައިސާ ނުދައްކާ ފަރާތްތަކުގެ ނަން ހާމަ ކުރާ އުސޫލުގެ ދަށުން، އެ ފަރާތްތަކުގެ މައުލޫމާތު ހާމަކުރުމުގެ ކުރިން އެ ފަރާތްތަކަށް ފޯނުން ގުޅައި، ޓެކްސް ނުދައްކާ ފަރާތްތަކަށް ގާނޫނުގައި ކަނޑައަޅާފައިވާ އަދަބުތަކާއި، އެ ފަރާތްތަކާމެދު އަޅާނެ ފިޔަވަޅުތަކުގެ މައުލޫމާތު ކިޔައިދީފައިވާނެ ކަމަށާއި، އެސްއެމްއެސްގެ ޒަރިއްޔާއިންވެސް އެ ފަރާތްތަކަށް އެ ކަން އަންގާފައިވާނެ ކަމަށް މީރާއިން ވަނީ މައުލޫމާތު ދީފަ އެވެ.
ދައުލަތަށް ދައްކަންޖެހި ނުދައްކައިވާ ޓެކުހާއި އެހެނިހެން ފައިސާ ހޯދުމުގެ ގޮތުން މީރާގެ އެންފޯސްމަންޓް ޕޮލިސީގެ ދަށުން އެޅުމަށް ކަނޑައަޅައިފައިވާ އިތުރު ފިޔަވަޅުތައް ވެސް ތަފާތުކުރުމެއްނެތި އަޅަމުންގެންދާނެކަމަށް މީރާއިން ވަނީ މައުލޫމާތު ދީފަ އެވެ.
އިންކަމް ޓެކްސް ނުދައްކާ ފަރާތްތައް:
- އަހުމަދު ލަސާން މުހައްމަދު (ނިއު ޒީލް، ގދ. ތިނަދޫ)
- އަލީ ޒާހިރު (ހ. އިރުވެލިގެ)
- އަމްލޮގް ޕްރައިވެޓް ލިމިޓެޑްއެޓޮއްލޯ ކޮންސްޓްރަކްޝަން ޕްރައިވެޓް ލިމިޓެޑް
- އަޒްރޯވާ މޯލްޑިވްސް ޕްރައިވެޓް ލިމިޓެޑް
- ސީޕްރިއާ ޕްރައިވެޓް ލިމިޓެޑް
- ޑުޕްލެކްސް ޕްރައިވެޓް ލިމިޓެޑް
- އީއާރުއައި ހޯލްޑިންގްސް ޕްރައިވެޓް ލިމިޓެޑް
- ފްލެކްސިންކް ޕްރައިވެޓް ލިމިޓެޑް
- އައިއެންޑް ސީ ޓްރޭޑިން ޕްރައިވެޓް ލިމިޓެޑް
- އިބްރާހިމް ހަބީބް (ކުންނާރުގަސްދޮށުގެ، ނ. ހޮޅުދޫ)
- އައިއެމްޕީ ޕްރައިވެޓް ލިމިޓެޑް
- ޖޭ ބްރަދަރސް ލިމިޓެޑް
- ޖާހު ޕްރައިވެޓް ލިމިޓެޑް
- ކެއިރެޓްސޫ ޕްރައިވެޓް ލިމިޓެޑް
- ކޭއެސްޖީ އޯވަސީސް
- މެޕްސް މޯލްޑިވްސް ޕްރައިވެޓް ލިމިޓެޑް
- އެމްއެފް ޓްރޭޑިން ހައުސް ޕްރައިވެޓް ލިމިޓެޑް
- މުހައްމަދު ސަދާން ޖައުފަރު (ވަގުތު، ހދ. ކުޅުދުއްފުށި)
- އޮޕްޓިމާ ހޯލްޑިންގސް ޕްރައިވެޓް ލިމިޓެޑް
- ޕްރިސްވޯޓަރ ޕްރައިވެޓް ލިމިޓެޑް
- ޝޮޓް ބެވަރޭޖަސް މޯލްޑިވްސް ޕްރައިވެޓް ލިމިޓެޑް
- ސިއެރާ ސްޓާ ޖޭވީ
- ޓިމްބަރ ސްޓޯރު ޕްރައިވެޓް ލިމިޓެޑް
- ޔޯމަން އެޖެންސީސް މޯލްޑިވްސް
ދައުލަތަށް ދައްކަން ޖެހި ނުދައްކައިވާ ޓެކުހާއި އެހެނިހެން ފައިސާ ހޯދުމުގެ ގޮތުން މީރާގެ އެންފޯސްމަންޓް ޕޮލިސީގެ ދަށުން އެޅުމަށް ކަނޑައަޅާފައިވާ އިތުރު ފިޔަވަޅުތައް ވެސް ތަފާތު ކުރުމެއް ނެތި އަޅަމުންދާނެ ކަމަށް މީރާއިން ބުންޏެވެ.
މިހާތަނަށް ވެސް ޓެކުހުގެ ބަޔާން ހުށަނާޅާ ފަރާތްތަކުން އެ ބަޔާންތައް ހުށަހެޅުމަށާއި ޓެކްސް ނުދައްކައިވާ ފަރާތްތަކުން ލަސްނުކޮށް ޓެކްސް ދެއްކުމަށް، ނުވަތަ، މީރާއާއެކު ޓެކްސް ދެއްކުމުގެ އެއްބަސްވުމަކަށް އައުމަށް މީރާއިން ވަނީ އިލްތިމާސްކޮށްފައެވެ.