ޒަމާންގެ ސައްތައިން، ތަށި ޕާކިސްތާނަށް

ފަހުރުއްޒަމާންގެ ސައްތައާއެކު ލަންކާ އާއި ޕާކިސްތާން ކުޅުނު އެއް ދުވަހުގެ ސިލްސިލާގެ ތަށި ޕާކިސްތާން ހޯދައިފި އެވެ.

ޕާކިސްތާނުގެ ލާހޯރުގައި ކުޅުނު މި ސިލްސިލާގެ ފަހު މެޗުގައި ފަހުރުއްޒަމާން ވަނީ 99 ބޯޅައިން 127 ލަނޑު ހަދައިފަ އެވެ. މީގެ އިތުރުން ސަލްމާން އަގްހާ އާއި އަރަފާތު މިންހާސް ވެސް ވަނީ މި މެޗުގައި މޮޅަށް ކުޅެފަ އެވެ. މީގެ ތެރެއިން އަރަފާތު ވަނީ ބައި ސައްތަ ލަނޑު ހަމަކޮށްފަ އެވެ.

މި މެޗުގައި އެންމެ ނުވަ ބޯޅަ އަށްވީއިރު ޕާކިސްތާނަށް ހެދުނީ އެންމެ 331 ލަނޑެވެ. އޭރު މެޗު ކާމިޔާބު ކުރަން ހަދަން ޖެހިފައިވަނީ 326 ލަނޑެވެ.

މި މެޗުގައި ފުރަތަމަ ކުޅެން ނުކުމެ ލަންކާއިން އިނިންގްސް ނިންމާލީ 325 ލަނޑަށެވެ. އެންމެ މޮޅަށް ކުޅުނީ ކަމިންދޫ މެންޑިސް އެވެ. އޭނާ ވަނީ 128 ބޯޅައިން 131 ލަނޑު ހަދައިފަ އެވެ.

މިއީ 2008ގެ ފަހުން ޕާކިސްތާނުން އެއް ދުވަހުގެ ސިލްސިލާއެއް ކާމިޔާބު ކުރި ފުރަތަމަ ފަހަރެވެ. މެޗަށް ފަހު ވާހަކަ ދައްކަމުން ފަހްރުއްޒަމާން ބުނީ ޕާކިސްތާނަށް ތަށި ލިބުނީ ހަމައެކަނި ބެޓްސްމަނުންގެ މަސައްކަތުން ނޫން ކަމަށެވެ.

"އަހަރެން ވަރަށް ފާހަގަ ކުރަން އަހަރުމެންގެ ބޯލަރުންގެ މަސައްކަތް. އެ މީހުން ވަރަށް ރަނގަޅަށް ބޯލްކުރި. އޭގެ ނަތީޖާއެއްގެ ގޮތުން އަހަރުމެންނަށް ބެޓިން އަށް ފުރުސަތު ލިބގެންދިޔައީ،" ޒަމާން ބުންޏެވެ.

ލަންކާ ޓީމުން ބުނީ އެ މީހުންގެ ބެޓިން ގޯސްނޫން ކަމަށާއި ނަމަވެސް ޓީމުގެ އިތުބާރު ދަށަށް ދިޔައީ ޕާކިސްތާނުގެ މުހިންމު ވިކެޓްތައް މެޗުގެ ކޮޅު ނުނެގި ބެޓްސްމަނުންނަށް މާބޮޑަށް ފުރުސަތު ހުޅުވާލެވުމުން ކަމަށެވެ.

މި މެޗުން މޮޅުވެ ތަށި ހޯދުމުން ޕާކިސްތާނުގެ ކްރިކެޓް ބޯޑުން ވަނީ ފަހުރުއްޒަމާނަށް ވަރަށް ބޮޑަށް ތައުރީފް ކޮށްފަ އެވެ. މިއީ އެންމެ ފަހުގެ އޭޝިއަން ގޭމްސް އާއި އޭގެ ކުރިން ކުޅުނު މުބާރާތްތަކުގައި ޕާކިސްތާނުގެ ބެޓްސްމަނުންގެ ކުޅުން ގޯސްވެގެން ޓީމަށް ބޮޑެތި ބަދަލުތަކެއް ގެނައިފަހުން އެ ގައުމުން ކުޅުނު އެންމެ ރަނގަޅު މެޗުތަކެވެ.