ނިއުޔޯކުގައި ހުންނަ އދ.ގެ ދިވެހިރާއްޖޭގެ ދާއިމީ މިޝަންއަށް ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފް ޒިޔާރަތްކުރައްވައިފިއެވެ.
އދ.ގެ ރާއްޖޭގެ ދާއިމީ މިޝަނަށް ނައިބު ރައީސް ޒިޔާރަތްކުރެއްވީ ނިއުޔޯކުގައި މިހާރު ކުރިއަށްދާ އެކުވެރި ދައުލަތްތަކުގެ ޢާންމު މަޖިލީހުގެ 81 ވަނަ ސެޝަނުގެ ހަވާސާގެ ތެރެއިންނެވެ.
ދާއިމީ މިޝަންއިން ނައިބު ރައީސްއަށް މަރުޙަވާ ދެންނެވީ، ޕަރމަނަންޓް ރެޕްރެޒެންޓިވް ޑރ. ޢަލީ ނަސީރު މުޙައްމަދުއެވެ.
މިޝަންގައި ކުރިއަށްގެންދެވި ބައްދަލުކުރެއްވުމުގައި ނައިބު ރައީސް ވަނީ، އދ. ގައި ރާއްޖޭގެ އަޑު އިއްވުމަށް މިޝަންއިން ކުރައްވަމުންދާ މަސައްކަތްތައް ފާހަގަކުރައްވާ އެކަން ސަރުކާރުން ބަލައިގަންނަކަން ހާމަކުރައްވާފައެވެ. އަދި މިޝަންގެ މަސައްކަތައް ރާވާ ހިންގުމާ ގުޅޭގޮތުން އޮޅުންފިލުއްވާ މަޝްވަރާކުރެއްވިއެވެ.
His Excellency Vice President Uz@HucenSembevisits the Permanent Mission of the Maldives to the United Nations on the sidelines of#UNGA81, where he was welcomed by the Permanent Representative of the Maldives to the UN, His Excellency Dr Ali Naseer Mohamed.
During his visit,…pic.twitter.com/DmJSTfpcYh— The President's Office (@presidencymv)September 22, 2026
މި ބައްދަލުކުރެއްވުމުގައި ޚާރިޖީ ވަޒީރު އިރުތިޝާމް އާދަމްއާއި ތަޢުލީމި ވަޒީރު ޑރ. އިސްމާޢިލް ޝަފީޢު ބައިވެރިވެވަޑައިގެންނެވިއެވެ.
އދ.ގެ ރާއްޖޭގެ ދާއިމީ މިޝަނަށް ކުރެއްވި ޒިޔާރަތުގެ ތެރެއިން ނައިބު ރައީސް ވަނީ މެހެމާނުން ސޮއިކުރައްވާ ފޮތުގައި ސޮއިކުރައްވާފައެވެ.
އދ. ގެ އާންމު މަޖިލީހުގެ 81 ވަނަ ސެޝަންގެ ހައި-ލެވެލް ހަފުތާގައި ބައިވެރިވެވަޑައިގަތުމަށް ރައީސުލްޖުމްހޫރިއްޔާގެ ނައިބު ނިއުޔޯކަށް ވަޑައިގަތީ މިމަހުގެ 20 ވަނަ ދުވަހުއެވެ.