ދުންފަތުގެ ވަބާއިން އަންނަން އޮތް ޖީލު ހިމާޔަތްކުރުމުގެ އަޒުމް އައުކުރަންޖެހޭކަމަށް ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވެއްޖެއެވެ. އެކަމަނާ މިހެން ވިދާޅުވީ ދުންފަތާ ދެކޮޅަށް މަސައްކަތްކުރާ ދުވަހުގެ މުނާސަބަތުގައި ކުރެއްވި ޕޯސްޓެއްގައެވެ.
ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވީ ދުންފަތުގެ ބާވަތްތަކާއި ނިކޮޓިންގެ ވަބާއިން ސަލާމަތްވުމުގެ ހައްގު ކޮންމެ ޒުވާނަކަށްވެސް އޮތްކަމަށެވެ. އަދި އަންނަ އޮތް ޖީލު މިވަބާއިން ރައްކާތެރިކުރުމަށް ގުޅިގެން މަސައްކަތްކުރުމުގެ އަޒުމް އައުކުރަންޖެހޭކަމަށް އެކަމަނާ ވިދާޅުވިއެވެ.
On#WorldNoTobaccoDay, let us reaffirm our shared responsibility to protect future generations from the harmful effects of tobacco and other products that continue to target young people. Our youth deserve the chance to be free from nicotine addiction.
The Maldives has taken…pic.twitter.com/tuVVLPVqg7— First Lady Sajidha Mohamed (@sajidhaamohamed)May 31, 2026
ފަސްޓް ލޭޑީ ސާޖިދާ މުޙައްމަދުގެ ޕޯސްޓުގައިވަނީ ދުންފަތާ ދެކޮޅަށް ސަރުކާރުން އަޅުއްވާފައިވާ މުހިއްމު ފިޔަވަޅުތައް ފާހަގަކުރައްވާފައެވެ. ހަމައެއާއެކު ހޭލުންތެރިކުރުވުމާއި، ތަޢުލީމާއި އެންމެން ގުޅިގެން ދުންފަތާ ދެކޮޅަށް ދެމެހެއްޓެނިވި ގޮތެއްގައި މަސައްކަތް ކުރުމުގެ މުހިއްމުކަން ފާހަގަކުރެއްވިއެވެ. އަދި އެކުގައި ކުރެވޭ މަސައްކަތުން ދުޅަހެޔޮ ޖީލެއް ބިނާކުރުމަށް މަސައްކަތްކުރުމަށްވަނީ ގޮވާލައްވާފައެވެ
ދުންފަތާދެކޮޅަށް މަސައްކަތްކުރާ ބައިނަލްއަޤުވާމީ ދުވަހަކީ ކޮންމެ އަހަރެއްގެވެސް މެއި މަހުގެ 31 ވަނަ ދުވަހެވެ.